1- دولاندیرجام مطلوب سعادت دور محفلده گئلوبلر مجلسه هرشیخ وشاب وجمله عاقلده
آچب شهپر همای بخت واعظ ده مهیادور بوگون حد وورماغا یوخدورجسارت حدّی عاملده
2گتورساقی می ین پیمانه سین حبانه دن سوئزدور منه دریادی بیرقطره سعادت جامینه ئوزدور
ارادتمند کوی حضرت باقینی محفلده یئغیب دورسعادت جامینه دوردانه تک دوزدور
3-بشارت گئلدی کی مهجوره وئردیک جام صهبانی ایچیب صهبا می این سیر ایله دیم اکناف ایمانی
دولاند یم تا پمادیم ایمانه قارشی واعظین درسین بو ایمان چئکدی ترسا کویونا هم شیخ صنعانی
4-پشیمان ئولمارام سجاده ایچره وئر منه باده حقیقت ساحه سینده قوی گئلیم هرلحظه فریاده
منه تسبیح یوزبیردانه وئرمه ز چاره چوخ سایدیم قاریشمیش ذوب ئولوب قورتولموشام من جام میناده
5-بوافسانه نه دیرهرکس بولور دنیاده یوخ دائم ئولان ظرفیتی بیرکاسه ،یوزجامه ئولورعاصم
سکندر آلدی دونیانی یوزون بوئش قویدی توپراقه بوتوپراقه تمام شاه ودرویش وگدا عازم
6-ئوتوربیرلحظه بزم یاریده رزم وصال ائله دانیش گئز یاریلن جانینده هرغم وائر زوال ائله
تعارف ائلیه نده بیرپریوش جام صهبانی آلیپ تئز نوش ائدیپ هرلامحال ئولسا محال ائله
7-خوش ئول بزمی کی ئورداجام ساقی نوش نوش ئولسون باخارگوئزلر باخارگوئزلرله باخسین عیب پوش ئولسون
نه خوشدورساحه ی مطلوبه چاتمیش بخت یارئولموش الیمده ساغریم جانانیم ئوردا می فروش ئولسون
8-نیه سئندردی ساقی جامییمی آیا عتاب ئولدی مگراثنای نوشانوشیده بیرآن شتاب ئولدی
ئوگون واعظ له اگله شدیم خصال وجدیده ن چخدیم نماز توبه قلدیم حوض می ده جان مذاب ئولدی
9-خوشا واعظ سریر منبرینده ن من ئوزاق ئولدوم بهشتی بزم ده جانان سراغینده ن قوناق ئولدوم
شرابی ارغوان بیرجام باقی ده وئریب ساقی قئروب زنجیره ی شرعی سنون دیدینده عاق ئولدوم
10=یئتیر ساقی مهیادور بوگون طرف چمن بزمه چئخیب میخانه ده ن میخواره لر مستانه لر رزمه
اینانما محتسب لرقورخودا نار جهنمده ن یولون سال بزمه نادانلیق ائدیب زاهد یولون گئدمه
11-اوروجلوخ قورتولوب ساقی گئتیرجام می نابی ئوره ک بیرآیدی یول گوئزلورتوکندی طاقت وتابی
کاپاندی درب مسجدلر یئغلدی مهروسجاده گئلیب میخانیه رونق آلیپ رسمیله آدابی
12
-گئدیب حوض می میخانه ده غوسل ائله دیم پاکم ایچیبپ بیرکوپ می میخانه نی عازم به افلاکم
گِدیب مینوده گوئردوم کی چئکیر نقاش لوح ذر منیم تمثالیمی امّا نه ئود نه سو فقط خاکم
13-گیئریپ حوض طهورای میه بیر ارتماس ائدیم مصلّانی دوتوپ زاهد له بئش ئون گام یول گئدیم
ریای زاهده منده قاریشدم حیف ئولا غوسلوم تظاهر ائدمه نی عهدائله دیم یکباره ترگیددیم
14-نه خوشدوربیرنیگار خوش سیر جام الده ناز ائدسین ئونون نازیله بربط کوک ائدیب سازینده ساز ائدسین
دوتا دور بساطی حورلرهرالده بیرساغر منی ساقیّ نام آور بوفیضه سرفراز ائدسین
15-دولاندیم کوچه وبازاری می کویوندا نام آلدیم آتیپ باشدان هوشو بیرجام می ایچمه کله کام آلدیم
سماواتی دولاندیم یتدی افلاکه ائدیپ معراج بیرآندا عروه الوثقاده ساقی ده ن قیام آلدیم
16-دونن اندیشه ی غالب له جانیمده ن کنارئولدوم ایچیب جام تظاهر مسند کوفره سوار ئولدوم
قاریشمیش گوئردوم،عالم ئول تظاهرده اسیر ئولموش آتیپ اندیشه نی باشدان یئریمده برقرار ئولدوم
17-نه لازیمدور ئوزون دراعه وسجاده ای زاهید گئلیپ منله ن می میخانه ده ن ایچ زهدیوی ترک ائد
بیرعالمدیر بیزیم عالم بدن توپراقدی جان اعلا محاسن کوئرمه سن تحمیل یوخدورئوز یولون دوت گئد
18-فراغت وقتی دیر ساقی یئتیر بیرجام نورانی باشیمدان آتمیشام اندیشه ی زهد ومصلّا نی
بدن توپراقدی ئون چون ایستیره م ساخسی قوروشقاده نه لازیم دیر جماعت آختاریرجام مطلّانی
19-گئتورساقی ئومی ده ن کی طهورای بهشتی دیر ئومی جانان الینده ن کی ئومهسای بهشتی دیر
منیم سودامه ساقی یاریله ن بیرکاسه می بئسدیر بونا ذنّ ائدمه سین واعظ بو سودای بهشتی دیر
20ئغیپ توپراقی ایسلاتدیم دوزه رتدیم جام صهبائی شراب نابیلن دوئلماخداگوئردوم چشم شهلائی
کمان ابروسی وائرکیپریکلری اوخ لبلری غنچه ساچین هورموش کمندآسا ئوتصویرمطلا ئی
21-فراغت وقتی دیر دوئرگئل آچیلمئش سفره ی احسان کنارحوض کوثرده نه لازیم عیش ئولاویران
اینان زاهیدیوبانسام باغلانار یول ئوللاّ م آواره من ایلقار ائتمیشم جانیم آراالده ن گئده رایمان
22-چئخیپ سیرانه یاریمله ن گولوستانه گذار ائتدیک گولی بولبولّلری ئوزنازیمیزله ن بی قرار ائتدیک
بیرآن بیرمحفل جانانیه قویدوخ قدم ئوردا دولوجام می ای گوئرجه ک وجودوسازگارائتدیک
23-منیمله زاهدین حاشادولانماز دودزدگیرمانی من ایسه دردم ئوایستیر یالان دردینده درمانی
محبّت ساحه سینده دردیوخ اندازه یوخ یول یوخ دوشونمورزاهید امّاقیمت وجدیله سودانی
24-چئخیپ منبرده جولان ائله ییپ واعظ کلام آشدی ئوزاردیپ فلسفه ایپ تاولاییپ قدین تمام آشدی
یئغیپ ایپ ئوستونه جنّاتی هم تکفیری هم ناری ده ره ک واصلّه رینده ن گوئرمویه ن بیرانتقام آشدی
25=فراغت وقتی آل تسبیح ده ن چئخ بیرمصلّایه یول آچ میخانیه ئوردان کنشتیله کلیسایه
سوئروش زاهیدله ساقی ده ن سوئروش عابدله راهیبدن بولن مزلر نده ن ئوتری گئلیپ له ر غملی دونیایه
26-آچیپ ترک ائله ئول زنّاریوی دستاریده ن ال چئک
شیرین دادلی ملک یوزلی گوئزه ل دیلداریده ن ال چئک
فراغت سال اله گئل بیر گئداخ کوی خراباته
سراپا مست ئولاخ بوعالم هشیاریده ن ال چئک
27-سنئخ بیرکوزه ده ناب صفا خوشدور مطلّا ده ن
خرابات ایچره سرگردان چوخ ئولادیر مصلّا ده ن
گئلیب سن کی بو ودنیایه ایچیپ مست ئول دولان ناز ائد
کیمیسه آلمادی هیچ بیر زمان کامین بو دونیا ده ن
28-بوجامی دولدوران ساقی ایچیردیپ چوخ خومارائدمه ز
ایچیردیپ مست ائدیپ جان یاندیریپ دیل داغدارائدمه ز
مریدئولسان بوئله رسه ن بومرادین درس وآدابین
یئغیپ میخانیه مستی می ای جامی مهارائدمه ز
29-دولان آفاقی گئز سیر ائدسوروش اسراردونیانی
دوئزه ردیپ کاخ لرویران ائدیپ ملک سلیمانی
سوروشدوم من بواسراری سالئپ سورسرافیله
دئدی مست ئول بوشاهرحالیده بودهرویرانی
30-مهارئولمازبودونیانین غمی هیچ بیرکمندیله
گذارائدمه اماندوربو مداری ریش خند یله
آچارهربندی بندینده ن سالارکوه وبیابانه
یئغانماز هیچ زمان بیرکیم داغیلمیش بندی بندیله
31-ائدیپ ترک عالم فانی نی باقی ده قرارآلدئم
الیمده کاسه ی می ناب وجدی آشکارآلدئم
گوئروب زاهید ائدیب تکفیر هم منع ائله ییب حقده ن
ایچیپ ئول کاسه ی نابی وفاق پایدارآلدئم
32-اگرزاهید ایچه بیرجرعه می ناب طهوراده ن
گئله رمیخانیه داه ال چئکه نمه زسرو افراده ن
آتارزنارودستاری نه دیرمسجدعیان ائله ر
ئوزاخ ساخلارئوزون بوندان سورا کوی مصلّاده ن
33-یئتیر ساقی بساط آماده دیریارودف وبربط
بساط ایچره وئره جام می ای بیرمه لقاالبت
گوئزه ل رقاصه له رآوازه قاخماخلان وئره رونق
سالا قول بوینومابیرماه منظربیرگوئزه ل آیت
34-بوبئش گون عورو وو ائدمه هدرگفتارینن زاهید
جهیم وناریله ن قورخودما،مورومارینن زاهید
بهشت عدنی ائدمه وعده بئسدیر نیسیه سوئزله رنن
گئلیپ میخانیه بیرحورینن ئول قول بویون زاهید
35-دولاندئم هرنه وائرگوئردوم مرام دین دونیانی
بیری راضی دی دینین ده ن بیری ائلیر پشیمانی
گئلیپ میخانیه باخدئم نه دین ومسلک وباور
دولاندیرماخدادی صلح وصفا گوئجلودگیرمانی
36-نیگارخوش سیرده ن عالم رویاده جام آلدئم
ایچیپ آزادئولوپ مینوده حوریلرله کام آلدئم
بیرآندا آدم وحوّانی گوئردوم جام میناده
ائدیپ تقصیرله رعریان لباس عزّونام آلدئم
37-مگربیربوغدانین میل ائدئمه سی ائله رمیش آواره
بوبیربوغداقصاصیلن چئکرسه ن خلقیوی داره
بوراخ گئل من وئریم میلیون برابربوغدا رحم ائله
بیرآدم باخمیوب دستوره خلقی ائدمه بیچاره
38-بوآدم حوکمواجراائدمدی بیرآیری آدم له ر
ئوپالچوخدان دوئزه رده ردین کنارینده گوئزه ل دیلبر
بوقدرت له ن بهشت عدنه قویمازدون ئوشیطانی
معما ایله مه خلقت سوزون یاحضرت داور
39-اگرقوغدون بهشت عدن ده ن شیطانی رجم ائدّین
ئوزون تفسیره سالدون کی سهام شری هدم ائدّین
وئره ردین آیت اینسانه خالقلیک خصالین ده ن
کتاب ودین وپیغمبرله انسانیله رزم ائدّن
40-گهی آدم له گه ذوالکفل وگه یعقوب واسماعیل
بولوب هاردان مگرخیروشری هابیلی نن قابیل
نه لازیم دیریاتاق توپراقداتوپراقدان دوراخ بیرده
یئل اسدیرماخدامیکائیل صورچالماخدااسرافیل
41-یئتیش ساقی بوگون میخانیه جانیم قرارآلمئر
شراب عدنده ن بیرکاسه ایچدیم جان قرارالمئر
الوغلاشمیشدی جانیم واعظین بیهوده وعظین ده ن
جوموب میخانه ده حوض می یه چیمدیم مدارآلمئ
42-باخئردئم کوزه گرهی فئرلادئرچرخین ائدیرغوغا
بوزوئرآغزین آچئرقارنین ائدیربیرجام می برپا
گئلیردی چوخلوسس ئول فئرلانان اجزاده توپراقدان
دئییر له ربیز ئوتوپراقیخ ائولوب اسکندرودار
43-فراغت وقتی دیر دوئرگئل دوئشه فرش مصفّانی
بوراخ شاهلئق بساطین نیلیسه ن جام مطلّانی
دوشه ندیرجامیله ن بربط می ناب کهن البت
شراب شوخ لب دادسان ساتارسان چوئخ مصلّانی
44-بوبئش گون عومری حیف ائدمه دولان بیرنازلی یاریله ن
نه دیر جنگ ائلی سه ن بوئش وعدیه آزروزگاریله ن
نه دیرنقدعومرو وو صرف ائلی سه ن واعظ گمانینده
ئوتوربیرمصلحت ائله یارالدان کردگاریله ن
45-دونن شاقئلتیلار قوپدوجرنگ جام میناده
معّطل قالمیشام حالا بوشاقّلتی معماده
گئلیبدیر بیرنداتئزقوی قدم میخانه دایردیر
نه لازیم دیرقارانلوقلارائشق لازیم بودونیاده
46-نه دیر ناز ائلیسه ن توپراقه گئل اگلئن نظار ائله
ئوجانلی قامه تی توپراقدا بیرآن برقرارائله
گوره رسه ن همنشین شاه ودرویش وگدائولدون
یالانچی بیرغرورون داه یئرین قلبینده دار ائله
47-آچیبی فرشی بسالط باده وجامی دوشندیردیم
الکده ن حوروغلمانلار بساط ائیچره اله ن دیدیم
گئدیپ بیر درس آلیپ مشّاطه ی عدن طهوراده ن
گئلیپ محراب کیم قاشلاربساط ایچره بزه ن دیردیم
48-ئوزون سن سوئله دین خالیق جمیل الله جمال ایسته ر
گوئزه ل له رچانه سین ده نقطه ی خال سیاه ایسته ر
دولاندئرسئن بویورجامین ئوره ک چئرپندی داه بئسدیر
ته له س دیرمه م اینان گئلسین کونول می گاه گاه ایسته ر
49-منه نوبت یئته ردیلدارالینده ن بیرده جام الّام
دولاندئم چوئخ بو دونیانی بوگون داه می له کام الّام
دولانّام دورمحفل ده تعارف لارنثار ئولسون
بواثناده ئودیلبرده ن گوئزه ل بیر دادلی نام الّام
50-مهارئولمورمنیم کونلوم گئتیرجامین مدارا ائد
می وجام ودف وبربط نیگارینن مهیّا ائد
قلم قاشلی گوئزه ل بیر اینجه بئل جامی دولاندئرسئن
تعارف ائله باده محفلین دورین مصفّاائد
51-لب لعل نیگارنازنین شهد دلارادور
ئویارین قامتی طوباده ن آرتئخ وصفه دارادور
نه بولسون زاهیدنادان ئودیلبرده ن وصال آلماخ
بیرعومری معتکف ئولماخ بیر آن وصلی فرح زادور
52-نه دیرجام می جمشیدباخ میخانه ده جامه
وئریربیرجرعه سی بیرآن دوا مین درد وآلامه
اینان جمشیداگرمین جام ده ن سرمست ئولوب امّا
بوجام وبومی وبولحظه ده ن هیچ یئتمه دی کامه
53-نیگارشوخیلن سیرانه چئخ رزم وصال ائله
تمام لحظه لر باطل بوبیرآنه مجال ائله
اگرزاهید دئسه بیر لحظه انسانه مآل ائدمه ز
ئوبولمور لحظه دیر گئل لامحالی سن محال ائله
54–اگرساقی وئره ئول جام میناده می رحمت
اینان توپراقیده ن مین شاه ومین درویش ائده ررجعت
بوبیرمی دیرکی زاهید جان اگر بیرجرعه سین دادسا
ئولار خضرزمان زایل ئولارهردرد وهرمحنت
55-چوئخ ایسته ردیم کی ئوترسا الینده جام می گئلسین
ملایم یئل ائسیب ئول تارزولفی یئلده افسه نسین
من وجام ومی وسازودف وبربط کناریندا
گوئزه ل حوری گوئزه ل مه پاره لر نازیله اگله نسین
56-وفاق یارینن بیرکاسه می قورخما گوناه ئولماز
اذان گروئرمه سه آیا موذّن لر پگاه ئولماز
دولان گئل جانب میخانیه من ضامینم زاهید
بومیخانه مقامینده مقام وفرّ شاه ئولماز
57-ئوساندئم داه کلیسا مسجد ودیر ومصلّاده ن
آچئلماز سّرمکشوفی گوئتورال بومعمّاده ن
قدم قوی خلصه ی ایمانیلن کوی خراباته
گوئره رسن یئرده توپراق فرقی یوخ فرش مطلّا ده ن
58-نظرسال جانب جانانه سودای وصال ایله
لب لعلین شرابینده ن دادیپ بیرلحظه حال ایله
بوراخ سجاده وزنّارودستاری ایازاهید
آچیپ عزّت بساطین یارینن دردی زوال ائله
59-ئوکیمدیرسوئله ییرمیخانه ده ن درده دوا گئلمه ز
مرید وراهی میخانه ده ن زاهید جفاگئل مه ز
ئومنبرده ئوواعظ دیردئییر عومرون تباه ائدمه
بومنبراهلی دیرکی خلقه ئوندان هیچ وفاگئل مه ز
60-نه دیرقوینونداکوپ چیئگنینده سجاده بیرین قالدئر
ایپین دوئزچئک یولون دوئزتوت شرارت ساحه سین سالدئر
بوبیربازاردیر مکّارله رمکرین سائتیر سنده
متاعین سات گوئزه لّیک له گوئزه ل لرآیتین آلدیر
61-وئریربیرکاسه می من ایچمه میش ایستیر جالاندئرسین
نه دیرحکمت نیه ایستیر بومعنانی بولاندئرسئن
منیم آرامشیم ئول کاسه دیر دولدوایچیم دولدور
نه ایستیرسن کی زاهیدلر ریامشکین دولاندئرسئن
62-گوئروپ بیرمه لقا ائدِیم رجوع قلب پریشانه
عرایض سوئله دیم گوئزگوئردوگومله عدل دیوانه
دئدیم گوئزگوئرمه ده قلب ایسته ییر ئولمورنصیب اما
غضب له ن میش ائدیپ آبادقلبی زارو ویرانه
63-مهارئولموکونول جام ایسته ییر بیرنازلی ترساده ن
ئولا میخانه ده شامل نه کی برفرض رویاده ن
نفس عیسایه وئرمیش ثروت ومکنت سلیمانه
منی می کاسه سینده جومدوروپ قورتار بودونیاده ن
64-بهارعومروسوردوک بی هدف زاهیدکنارینده
قالیبدیر چوخلوسامانیم اینان منبرمهارینده
بیری میخانه ده مانوس ئولوپ جام ومی نابه
بیری شیطانیلن جنگ ائله ییرجنّت سراغینده
65-اگرواعظ سوئزون قورتارسا زاهید مکردونیاسین
ئودم باشلار مرید می رسوم باده پیماسین
گئلرهم شیخ وشاب وزاهد و واعظ ده دیداره
ئوره کده ن قالدیرارد ینین کلیساسین مصلّآسین
66-منیم دیلداریمین پیمانه سی داشماز مهار ائله ر
گئلیپ میخانیه لوطفین منیمله آشکار ائله ر
ئوبیرصیّادماهردیرآتاراوخ چشم شهلا ده ن
کمندزولفی فئرلادسا ئوره ک لر کی شکارائله ر
67-گئلیب میخانه ی کوی اصالت ده مهار آلدئم اصالت عالمینده جام مطلوب ۀشکارآلدئم دولاندئم طرف دونیانی هامی مغلوب ماتم دی دوئزه ردیپ می بساطین می مدارینده قرارآلدئم
68-مین ایل عمر ائله ییب می داتماسان عمرون گئده رباده
یئتیشمه زواعظ وتسبیح وذکربی هدف داده
مین ایل یوخ مئنله گئل بیرلحظه سیر ائله خراباتی
وقوف ئولسون کمالاتین بیزیم دونیاده هرزاده
69-شراب ئولسون نیگار ئولسون بساطی طرف گولشه نده
حمایل ائله ره م قول نازلی یارین بوینونا من ده
چالار مضرابیلن شورطراوت پرده سین بربط
دوئشه ر دیوجهالت ئول زمان ئول بزمیده بنده
70-شرارت ائله مه مجلسده آرام ئول باخئر گوئزله ر
وصول جامیوین آدابینی دلدارلر گوئزله ر
جئزخدان چئخما حرمت وئربوگون قانون دونیایه
بوایری یولّاری حرمت سایان دونیا ئوزی دوئزله ر
71خرابات ایچره من مسجدده زاهید اعتکاف ائدّیک
ئوتسبیحیله ذیکرین منده می له ن قلبی صاف ائدیّک
ئوبیرگوئرمه زخیالی وصف ائدیپ روءیاخیالینده
من ایسه کوی جانانی دولان ماخلان طواف ائدیّک
72-نه دیررجم ائلیسه ن شیطانی مین داش آت بیرین آتما
ئوبیرداش ئوزمآلین دیرئونی مین عالمه ساتما
گئله رشیطان دالینجان آلماغا وئرمه مآل الده ن
شرافت عرضیوی الده ن وئریپ دونیاوی آ لّتما
73-نه دیر ذیکرائلیسه ن تسبیح ده یوز دانه یوز دانه
ووروبسان بیر فراغت وقتی دیلبر زولفونه شانه؟
امیپ سه ن گول دوداقیندان می پاک طهورانی
ئولوبسان ئول می این مستی ئولوبسان مست مستانه
74-دوئلا نسا بیرده گرمیخانه صحنینده می جانان
تاپار غم چوشلویان جانیم مگرهیجرانیده ن سامان
دمادم جام آلیپ نوش ائله ره م دیلبرفراقئندا
سروشوم سوئله دی مست عالمینده وصل ئولار آسان
75-آچیپ طرف چمنده بیربساط بزم شاهانی
قوناق ائدیم ئوبزمه حضرت محبوب جانانی
چالیپ بربط کمال لوطفیلن شورئوسته بیرنغمه
چئخیپ اندیشه لر باشدان آلیپ جاندان پریشانی
76-گئجه حوریله ریله اگله شیب مست تمام ئولدوم
چوخ ایچدیم شوقیده ن هیچ بولمه دیم بیرلحظه خام ئولدوم
بلورجامی سئندئردیم داغیدی می سماواته
ایشیق سالدی یوزه مهتاب آرامشله رام ئولدوم
77-گئلیردریاکیمی موجه قدح ده باده ی احمر
گوناهیم یوخدی گرایچسه م یارالدئب باده نی داور
منیم ذنّیم بودورزاهیدله اگله ش مه ک گوناه ئولسون
بصیرتنن قولاخ وئر سوئلویور هم مسجدومنبر
78-آچیپ زناری ترک ائله بوراخ سجاده نی زاهید
من ایسه ئولماییب هیچ کیمسیه سجّاده ده ن عاید
قدم قوی بیرزمان میخانه ده محبوبیلن اگله ش
گوئره رسن ایش بودورتسبیحنن سجاده دیرزاید
79-بوراخمازنقدی هیچ انسان اگرعاقلدی هم کامل
ئولوبدورواعظین بوش وعده سینده ن بیرثمرشامل؟.
بیزیم میخانه ده ایمان آرا،پیمانه وائر می وائر
یوره ک لرحضرت ساقی الینن رحمته عامل
80-مجال ئولسااگر عومره خرابات ایچره یئر سالسام
سرکویینده توپراقه دوشه نمیشجه قرارآلسام
ندیم حضرت جانان ئولام خدمت مقامینده
بوپیمانیم دی گرحشر ایچره ده جانانیلن قالسام
81-گئتیرساقی شرابون جان خومارئولموشجاکام آلسین
توئکه نمیش آیریلیقدان جان ئولورسا التیام آلسین
چئکیلسین هرقارانلوق وائردل وجان وروانیمده ن
مقام محفل جانانیده ن اذن تمام آلسین
82-نه دیر هی هیله دون می محوائده ر آرامش جانی
گئتیردین گوئز قاباقیندا روایت حکمی میزانی
بویوربوزاهد وواعظ هاچان مست ئولدولار بولمم
یالان بیروعدیلن محو ائدّیلرباخ عومر اینسانی
83-منیم جامیم اگرسئنسابوتون دونیانی سئندرّام
الستی لوح ده عصیان ائدیپ پیمانی سئندرّام
بونعمت لر مگراینسان ئوچون خلق ئولمیوپ زاهید
منیم بوش قالسا گرجامیم اینان ایمانی سئدرّام
84-چئکیپ نقاش لوح ذزالیمده جام مخموری
توکور جام ایچره می خمدان گوئزه ل بیر نازنین حوری
حرام ئولسایدی گرواعظ قلم دیئگمه زدی بولوحه
بوترسیم ایچره وائردیرخالقین البت کی منظوری
85-دونن چئخدیم نیگارشوخینن بیرآن تماشایه
طبیعت پایلامیشدی گولشن وگولزاره پیرایه
گئزیردی الده جام می دوداخدا شهدحوریلر
اگردیسگین مه سیدیم بیرده گئلمه زدیم بودونیایه
86-نه خوشدوریئل اسه ساچ افسه نه هرتاری بیریانه
یئغام یلّه رقاباغیندان وورام گیسوله ره شانه
ئوترسائی کی من گوئردوم گئلیرسروخرامان تک
مگرایمان قویارقالسین ئوترساشیخ صنعانه
87-جنان ایچره اگرواعظ دئییروائر حورینن غلمان
اگروائرسا دگیل واعظ سنه ال تاپماسی آسان
سوروشدوم من ئونلار آدمله کوسگوندور ئوگونده ن کی
قئریپ آدم له حواحضرت جانانیلن پیمان
88-سنون جدین مگرممنوعه ده ن میل ادمه دی زاهید
مگرجنّات اعلاده ن تورابه دوئشمه دی زاهید
ئولوب آواره ئول گونده ن گئزیر خاک مذلّتده
بیرآن سئنده جفا قئلما بوغفلت یئتمه دی زاهید؟
89-یائزیر ناب طهوراله رآخیرخلدمصفّاده
حرام ئولموش نیه بیرذرّه سی زاهید بودونیاده
منیم رویامه گلدی بیرگوئزه ل حوری اینان گوئردوم
چیئمردیک باده ی احمرده نه جام ایچره دریاده
90-کونول قئردیم کلیسا وکنشت ومسجدین ده ن من
نظر سالدیم کمال خلقه ته زاهید درینده ن من
یالان مئش ماوراده یوخ جهیم ونار وهم جنت
ئودوربیزاره م اوّلده ن بو زاهیدده ن درینده ن من
91-مهارئولمورکونول بیرمه لقا آرامی می آلمئش
ئوره ک بیرغمزه ی مستانه ی دیلداره توغلانمئش
هوروب گیسولرین دارکمندائتمیش توتورصیدین
منیم کونلوم کمندین آتمادان ئول یاره توغلانمئش
92-ئوشهلاگوئزلری هربیرباخیشداجان آلیر منده ن نئونازوعشوه وغمزه دامارداقان الئرمنده ن
دوداغلارغنچه ی خندان آخیرشهدوشکرلبده ن منی صنعان ائدیپ گول منظریم ایمان آلیرمنده ن
93-دولان دونیانی باخ بیرکیمسه کام آلمئش بودونیاده ن
قالیرمبهوت عاقیل لر بواسرارومعمّاده ن
اجل جامین ایچیر شاه وگدا وعارف وعامی
نه فرق ائلیر ایچه بیرساخسی یاجام مطلّاده ن
94-سراغ مسجدودیروکلیسا ومصلّانی
دوتوپ هی سوئله مه یولدان چئخاردیپ وعده اینسانی
بوراخ بوش وعده نی گوئزآچ یازیرلاربومکاتبلر
بونلار سوئزنن دولاندئرمیشلابوچرخ دگیرمانی
95-اینان کی ئولماییپ قائم بودونیاعمراینسانه
ئولوپ آبادمین لردفعه هم آبادی ویرانه
فنادونیاده گئل عومرون نیگاروجامیلن صرف ائد
بوراخ بوش وعده نی سیرائدقالان عومروحکیمانه
96-دونن جام جمی رویاده گوئرموش کن نظار ائددیم
آلیپ بیرساخسی جام می ئونوبی اعتبارائددیم
گئلیپ جمشید باخمئش جامینه هی ووئردوچرخ دوئرسون
ئوساخسی جامیلن جمشیدحکمون من مهار ائددیم
97-صبا یئل اسمه ده ئول دیلبرین گیسوسی افسه ندی
گوئزه ل بیرایی ئوگیسوده ن گئلیپ گولزار ایئله ندی
وئریپ مشّاطه گولزاره طبیعت مست ئولوپ جانلار
جرمگ جام می باشدان آشیپ ایچمه ک دمادمدی
98جهات عومراینسان جانیلن جانانه شاملدیر
می وجام سبو وباده ایله جان تکاملدیر
نثارائدمین کرور زربیرقدح دیلداریده ن می آل
ئوکیم ئوزعومرونون خوش یاکی بدحالینه عاملدیر
99-گوئزه ل ،پیمانه ی اندوهیلن عمرون تباه ائدمه
یالان بیروعدیه تاولانما زاهیدلریولون گئدمه
منیمله گئل گولوستان ایچره گوئلّرباده سین میل ائد
بوبئش گون عمرو وو سجّاده ومسجدله اینجیتمه
100-ئوزون بیروقتیدی میخانه نیه یولّار کاپانمئشدی
سبووجام وخمدا هرنه می ئولموش جالانمئشدی
دونن گوردوم آچیپ میخانه میندی رونقه باده
خوشا میخواره لر می ده ن اوزاخ جانلار ئوسان مئشدی
101-اینان راضی دگیل داور غم واندوه اینسانه
باشین قوی سینه وه ئول دیلبرین ووئرزولفونه شانه
قورولسون محفل جانانه من جانانیلن سئنده
دولانسین حوریلردوئلسون می ایله جام وپیمانه
102-نیگارنازنینین تارمویینده قرارآلدئم
هوروپ گیسوله رین جان وئرمه گه هم اذن دار الدئم
کمندزولفه سالدئم جانیمی صید نیگارئولدوم
عجب ماوای جانانیمده حکم اقتدار آلدئم
103-وصال یاره یئمه ک داغ دلیپ دیوانه لیک لازیم
فراغت نن رفاقت نن کوسوپ بیگانه لیک لازیم
بلی جانان یولوندا گئل محال ائد لامحالاتی
گوئره رسن ئول ئوزون ساچلارلا دا هم شانه لیک لازیم
104-ئوزون یولدوربو یول کروانینه آذوقه لازیمدیر
یولون هرآیرمی بیرساحه دیرکی طاقه لازیمیر
آغاج یئرده ن چئخیپ دیپ بئسله ییپ سه پایدار ئولماز
ئونون هرساحه سین گوئژله ندیره ن مین شاخه لازیمدیر
106-دف وساز ونی وبربط رباب وزخمه ی سنتور
اگربیربزمه جمع ئولسا ئوبزمین صاحبی منصور
فراغت سال اله وئر ال اله دیلدارینن بزم ائد
بوراخ اندیشه نی هرلحظه ئول شادوخوش ومسرور
107-ائله واقفدی واعظ منبرینده چوخ خراف ائلیر
بولوراینسانلاری آلّادماغا چوخلی خلاف ائلیر
اگر مسجدصفینده گوئرسه وارحاشاکی بیرعارف
قولاخ وئر هم ائشید مین له رخرافاتی غلاف ائلیر
108-ئوبئش بوغدایه گرآدم یومایدی گوئز ئواثناده
فیکیرسال گوئر نه ئولموشدی بشر عرش ثریّاده
گئلیب جدبشریئر سمتینه آواره کیک قویدو
دوشوبدور زحمته احمد همی موسی ده عیسی ده
109-گوناهیم یوخ منیم میخانیه گئدمه ک روالیم دیر
بهشت عدنیده ن گئلدیم منیم می شور وحالیم دیر
اگر محو ئولموشام مهسا گوئزه ل بیر گولعذاریلن
چئکیپ حوریده ن ال گئلدیم بوچوخ آز اینتظاریمدیر
110-دریغا عمر چوخ سوداله ریم بی اختیار ئولدو
سالیپ غم پنجه سین گویا فلک آرامی می یولدو
الیمده کاسه ی عومروم باخارکن گوئزله ریم گودردوم
لبالب حنظل دردیله درمان کاسه سی دولدو
111-قالیپ حیران گوئزوم عقلیم بوخلقه بومعمّایه
اگرناروجهنّم وار نه ایچون گئتدین بودونیایه
بولوردون نسل آدم یئر یوزونده چوخ گوناه ائله ر
نیه سالدین بیزی نقدعالمینده ن نیسیه سودایه
112-گئلیپ مسجد ده اگله شدیم ئوره ک قان ائله دی زاهید
دوئزه رتمیشدیم بنا بیر سوئز له ویران ائله دی زاهید
چئخیب گئزدیم سراغینده نه گوئردوم دالدا ایش لر وار
منی ایمان ودینینده ن هراسان ائله دی زاهید
113-اگرنقد ئولماسا جام ومی وحوری قبول ائتمه
یالان بیروعده نی دوغروتماسی الهامینه گئتمه
بوخوشدورنقد ئولا جام ورباب وباده ی احمر
ساباحکی وعدیه بئل باغلاییپ افکاری اینجیتمه
114-دئییرله ربوغدانعمت دیر منی انعامیده ن سالدی
بهشت عدن ده بیردانه سی آرامیده ن سالدی
روایت دیر کی شیطان تاولاییپ سالدی مذلّاته
یاشیطان سالدی یا هرکیم منه آواره کیک قالدی
115-ازلده نهر میناده شراب سلسبیل آلدئم
بیرالده باده بیرال حورجنت بوینونا سالدئم
بودورایندیسه اولادیم شراب وحوره مایلدیر
ئوزوم بیرحلقه دام گیسوان حوره باغلا ندئم
116-دولاندئرچرخ دوّاری منی سکنا خراب ائلیر
یئتیر آب حیاطین آیری لیق جانی مذاب ائلیر
مهار ئولمورکونول هی تاولانیر رحمت سراغینده
تاپئلمیر رحمت باقی ئودورچوخ پیچ وتاب ائلیر
117-روالیندان چئخیب داه نظم دونیا چرخ برهم دیر
زوال نسل اینسان ئوزالینن چوخ فراهم دیر
گئدیپ مردانه لیک شمشیردوران داه غلاف ئولدی
اتم آماده ی هدم جهان ونسل آدم دیر
118بوعلم آرایش ئولدی نسل اینسانی هدرقئلسئن
کمالاتی بوتون ابنای دهره بی ثمر قئلسئن
نه دیر بو معرفت بومعنویت بووفاق وصلح
بقای نسل اینسانه گرک خالق نظرقئلسئن
119-گئتیرساقی می مطلوبو وی عالم قاریشمیشدی
عجب بیرساحه دیریاشلاردا جانیلن آلیشمیشدی
یانارئودّی جهات عالمین هرسمتینه باخسان
شراروظلم وتزویروریا جانلان ساریشمیشدی
120-نه لازیم باده ی احمرله حوری برقرارئولسون
بوخوش آسایش گیتی عموما پایدارئولسون
من وحوریّ وجام باده وبربط کنارینده
مذاق وعزّت اینسان همیشه سازگارئولسون
121-کئچریدیم کارگاه کوزه نین بیرآن کنارینده ن
نظرسالدئم کی چئخمیش چرخ استادین مهارینده ن
هارایلارقاوزانوپ اسمایه پالچئخدان اشیئدّیم من
بیری سوئلوردی تاجینده ن بیری گول یوئز نیگارینده ن
122-کیمین وائرجرعه تی آچسئن بساط بزم جانانه
دئگیل شایسته غرق ائدسین ئوزون آوای دستانه
آلاربیرلحظه اطرافین شرارقهرواعظ لر
ئولاربربادئول بزم خوش احوال مستانه
123-ئوبیرکرپیج کی قویدون کرپیج اوسته قانیله ن قویدون
قویانمازدئن مگرقهریله مظلوم ساحه سین سویدون
نه لازیم کاخ لر باخ گوئرمداین لرگئدیپ باده
ایچیردیرزهری دونیا کامیوه آیامگر دویدون
124-نه دیرناز ائلیسه ن هربیرقدم قویدوقجا توپراقه
سئنخ بال وپرین فخر ائله ییرلر اوج آفاقه
ئوتمثیلی کی وائرطاووس ایاقیندان ئولورنادیم
بودونیاسهمی دیر بیرگون گئره ک میل ائله سین ناقه
125-مگرچرخ فلک فئرلانمادا اذن کلام ایستیر
مگرمحراب ومنبر وعظ وزهد بی مرام ایستیر
نه دیرتذویر ومکر وحیله ای مین یوزلو واعظ لر
سیزین بوفلسفه ز هرملتی نادان وخام ایستیر
126-اینانما واعظین بوئش وعده سی بول محض بدعت دیر
بونلاردان ال چئکه هرکیم بولون عین سعادت دیر
یئغشدیر علم وعقلین بیر یئره نادانلیغین بوشلا
ئومیلت لرکه آزادئولدولار ترک اطاعت دیر
127-بیرآن بویکون قویوب دیزئوسته سئیرائدکئچمیش ایّامه
نظرسال گچمیش اینسانلاردادردورنج وآلامه
قضاوت ایله بیرزاهید ائدیبدیر دردله ره درمان
یئتیپ بیرواعظین وعظیله بیرآ لام انجامه !
128-عزیزیم علمدیر اینسانی قاوزار اوج افلاکه
نه بومرداری تلقین ائلیسه ن بوعالم پاکه
هله من شکه قائلدئم کی نمازین رکعتی دوئزدی
ئودعوت ائلی ییرحالا مناجاتیله امساکه
129-بیزی طیّاره خلق ائلیر بیری تلفن بیری ماشین
اجازه وئرمه ییربیزسوئلویه ک ئول خدمته آمین
یاساق دیرشادئولوپ شادائله مه ک گولمه ک وگوئلدورمه ک
قاراگوندور قاراکوینه ک قارا رسم وقاراآیین
130-اینانماعالم برزخ جهنّم یا بهشت ئولسون
مقدّس واحه لر مسجدکلیسا یاکنشت ئولسون
ئو کیم گفتاروپنداری همی کرداری ئوگره تمیش
سزاوارجهاندور وجهه گاهی زردهشت ئولسون
131-دئمیرکی گئل مطیع زردهشت ئول امر واجب دیر
کیمی دوئزیول گئده آئین زردشته مراتب دیر
حرام ائلیر ئوتقلیدی اهورا وائر دئییر بئسدیر
بوتقلیدائله ماخ گویا ئوزی آیری مکاتب دیر
132-الیمده کاسه ی می چیگنیمه بیرکوپ شراب آلدئم
حضورزهد ایچون بیرشیشه ی خالص گلاب آلدئم
الیمده بیرئوزون تسبیح فئرلاتدیم سماواته
گئنه زاهید مقامین ده بواعماله عتاب آلدئم
133-نه دیئرتخت مرصّع بیرئوکی یوخ اختیار الده
ده ئیه رمین عالمه جانان گئله بیرکوپ شراب الده
دوئشه ن توپراقه ایچ جانان الینده ن باده یرحمت
گوئره رزاهید ا نینانماز ساخلاسان تفت مذاب الده
134-ئوکی بهرام تیکدی تیرینن دئرناخ دوداق ئوسته
وورانمازدی ئوتیری گرنشان ئولسایدی آهسته
نه دیرقاب نقابین ده ن چئخارمئرسان محالاتین
محالاتین بوراخ بهرام ئولوب تیرشهاب ایسته
135-مگردیوانه سن عاقیل وئره حکمونده فتوالر
تمیز ائدمیرگوزون شیطان صفت روئیله مهسالر
بوعومرون قویماقالسین قید فتواده خراب ئولسون
گوئزون آچ باخ دوئزوپ ساقی طهورا می لی مینالر
136-نه دیر بومسجدومنبر کلیسا دیر آتشگه
قدم قوئی جانب میخانیه ئول اصلیوه آگه
دوئزوبلر جام می اجدادیوین اعضای جسمین ده ن
گئلیر سس لرئوجام ایچره ئوخور هم آغلاییر گه گه
137-دوئشوپ واعظ له گئتدین مسجده بیر نیسیه ئوهامه
بوآزعومرونده گئل بیرآزداگیئر رندیله احرامه
بونقد اوقاتی ساتمانسیه یه حتی بهشت ئولسون
ئوکی نقدی مهیّادیر چئکیلمه نیسه انجامه
138-ئوراخ دوئرمن بولن دیر وکلیسا ومصلّاده ن
گوئتورال حلّی یوخ بیهوده گفتارو معمّاده ن
بساط سفره ی احسانی قور جام ونیگاریلن
ئونادان دیئرکی ال چئکسین می وجام ودلا راده ن
139-الیله ن بئسله ییپ تاک وفواکه کامیاب ئولسون
ئوکیمدیر سوئله ییر نقد ایستی یه ن جانلا رعذاب ئولسون
منیم آسایشیم عیشیم وجودوم نقدحال ایستیر
امیدیم وائر بونقدی ایستیه ن هم شیخ وشاب ئولسون
140اگرخلق ئولموشام عیش ائیله سه م مزدوم گناه ئولسون
میسّرقئل منه بوعیشی حتّی گاه گاه ئولسون
چئکیپ زنجیر استعماره دین آدیله دونیانی
روایت ائدمه ییپ ساقی بشر سوئزلن تباه ئولسون
141-کمالات عالمی زاهیدله ئولماز گئل خراباته
قولاغ وئرعالم لاهوتیده وجد ومناجاته
نه ایستیرسن مهیادیر وئریلمیر وعده ی بی جا
اینانما تحته الانهاره بیهوده محالاته
142-خرابات اهلی تک درک ایله مه ز معبودو کیم زاهید
ئونالازیم دگیل بیرکس ولی ئولسون ویا قائد
ئونون بیرذیکری وائر قلبینده جانیله ن دئییر الله
دگیئل مسجده واعظ یولدازاهید دیرده عابد
143-نه رکعت لرقئلیپ تسبیحینن سان ایلی سن زاهید
بهای دانه ی تسبیحی نن قان ائلی سن زاهید
بیزیم میخانه ده سان یوخ عدد یوخ دانه یوخ سوئز یوخ
نیه حرّاج بازارینده ایمان ائلی سن زاهید
144-مین ایلّیک موعظه بیرقطره ناب احمر ئولمازمئش
خضر پیغمبرئولمازسا مگرتوپراق زر ئولمازمئش
وجودنازنین آدم وحواده توپراقدی
وجودی وائر بوتوپراقدا ئوناهر زر سرئولمازمئش
145-گتیئر سه کاسه نی من گوئردوگوم می ئوندادریادی
ئوگوئرمور من گوئره ن بزمین کمالاتی مهیّادی
قارانلوق قلبله رذیکریله یول تاپماز کمالاته
منیم قلبیم گئنیش بیر گول شن بزم مصفّادی
146-دولاندئردئم دونن چیگنیمده بیرکوپ باده ی احمر
دئدی زاهید جهنّم ده چوخارتدین هیمه ی اذر
مگرخلق ئولموشوق جنّات ئولانسیه جهنّم نقد
گئتیر من مست ئولوم جاندان جهنم ده یانا پیکر
147-بو اوصافیله کی گوئلمه ک بلا شادلیق دا لهو ئولدی
دونن رکعت ساییندا زاهدین افکاری سهو ئولدی
نظر سال بیرخراباته ئوچوپ باشدان فراست لر
ئوره ک لردیر وجود باقی ساقیده محو ئولدی
148-جهیم وعدن آراسینده سالیرواعظ رقابت لر
ئوغافل دیر رقابت یوخ بویول گوئزله راصالت لر
اصالت ساحه سی بوردا ئوره ک دیر وصل جاناندئر
بوئوافکاریله پاک ئولماز دئرین سایلی جلا لت لر
149-خطا بولمه اگرساقی وئره بیرکاسه می آل ایچ
خرافاته نه اکمیشسه ن بوبیرجرعه می ایلن بیچ
منیم ظنّیم بودورشیطان سنه رحمان ئولوپ زاهید
اینان مئرسان دوداقین شیطانین بیرجام می لن تیک
150-نه دی سب ائلیسه ن جامی می ای نابی کمالا تی
ئوزون یوز مرّ ه هرآدِئمّ دائولدون ساقیه خاطی
مگر سن سن مقسّم جنّت اعلایه ای زاهید
اینانمازسان سن ای واعظ نه دیر سیمای مرآتی
151-منیم بیرارتماسیم وائر گرک حوض شراب ئولسون
شرار غیبیده ن یاندئرماسی عین مذاب ئولسون
ایچیم بیرکاسه ئون کاسه نه سایسیزکاسه لرئوندان
من ایشدیکجه ئوزاهید ئوزمرامینان زوال ئولسون
152-دونن پیمانه لرمیخانه ده ساقی دولا ندیردی
بیری تزویر ائدیپ پیمانه نین نابین بولاندئردی
گئد یپ کنکاش ائدیپ گوردوک بوتزویر ائلیه ن کیمدیر
بوتون میخانه نی بیر زاهدین مکری ئوساندئردی
153-اگرقوغدون بهشت عدن ده ن شیطان مکّاری
گئلیپ هانسی گیئلیف ده ن ئول حراست نن دگرباری
اگرآدم له حوّایه ئولا ردین مانع النّافذ
ئولاردی ایندی سرگردان ئونون نسلی سنی تاری
154-آچین میخانه نی کونلوم می ناب وصال ائیستیر
حضورحضرت باقی ده حال خوش مآل ائیستیر
وئره بیرجام منصوری پریوش خوش خرامینن
ئوواعظ دیرکی پای منبرینده قیل وقال ائیستیر
155-دولاندیرباده ی خونابی جانلار بیقرارئولدی
بلا ودردومحنت دوش مخلوقه سوارئولدی
بساط فلسفه رونق تاپوپ زهدوریا رایج
صف سجّاده ومهرو مصلّا آشکار ئولدی
156-صیامین گئلمه سی تاخیره قالسین من هله خامم
تمتّع آلمیشام میخانه ده ن مشغول احرامم
گرک رجم ائلییم شیطانی روح پاک وجانیمده ن
هله مشغول فیض باده یه م چوخ نیک فرجامم
157-دئییرواعظ اصول دینی نی ئودینه عامل دیر
ائله واعظ بساطی حامل سیر تکامل دیر
نیه ائلیراراده م جانب میخانیه رجعت
ازلکی فطره ته منده ن چئکیلمیش لوح عامل دیر
158-اگرمن عازم میخانه یه م زاهیدمصلّایه
دوئزون یا ایریسین تاپشئرگئنیش یولدابودونیایه
بودونیااهلی هرکیم هریولاطالبدی ئولادیر
ئودونیاده ئویول گئدسین داها سالما معمّایه
159-چئتیندیربیرده آدم داخل خلدجنان ئولسون
می ناب گوارا نهرجنّت ده روان ئولسون
منیم سهم جنانیم خوش کی نقدئولسون بودونیاده
اینانما ئوردا دا واعظ نفوذینده ن امان ئولسون
160-مهارئولمورکونول الده ن چئخیب بیرگول عذارائیستیر
گوئزه ل قوینونداجانیم اگله شیب سانسیز قرارائیستیر
باشیم آلمئش دیزئوسته بیراله جام شراب آلسیئن
اراده م جانیمی هرلحظه ده مست خومار ائیستیر
161-بوبئش گون عومری یا واعظ منه تلخ وخراب ائدمه
منه تعریف کوی جنّت وترک گوناه ائدمه
ئوزون آیاگوئروبسه ن نعمت خلدی جنان ایچره
منیم شایسته عومروم وائراسیردردوآه ائدمه
162-دونن معراجه گئتدیم گوئرمه دیم نارجهیم ئوردا
ئوتورموش گوئردوم امّاصدریده حیّ کریم ئوردا
دئدیم واعظ له زاهید سوئله ییرئود وارجهنّم وائر
دئدی آیاقبول ائلیربونوعقل سلیم ئوردا
163مهارئولمورسنون اورادیوه زاهید کونول بئسدیر
یئتیر ساقی ئونابیرباده ی حنظل سسین کئسدیر
دوشوروجد عالمین ده ن مست له ر شاید گوناه ئولسون
ئونون محوینده ساقی سرسربادخزان ائسدیر
164-سالیپ زنجیره مخلوقاتیوین عومرون کمک کارئول
بومیدان جدلده هرنه سه ن ساقی بیزه یارئول
چئکیپ شمشیربرّانین پاریلدادساغ سولاگوئرسون
قئریل واعظله زاهید جئرگه سینده ن قوی کی زارئول
165-منی سودای می امواجینین دریاسینه ئوزدور
می ناب طهورانی بیزیم پیمانه ده ن سوئزدور
گئتیرقانون حرّیت می یه مسته مصلّایه
منی منع ایلییه ن هرکیم ئولا آغزئن چئکیپ بوئزدور
166-گولوستان ایچره من بولبول حمیرایوئزلویارئولسون
جهات عیش وعشرت ئوردا بیزنن سازگارئولسون
دولانسین باده له رحوریله رالده جام جان وئرسین
گوئزه ل بیرساحه دیرمخلوقه خوش خوش روزگارئولسون
167-گئتیربیرعین شاهیدواعظاکونلوم قرارآلمیر
سنین سایسیزروایاتینله هیچ اینسان مها رآلمئر
چوخ ئولدوم معتکف شایدئولام مایل مصلّایه
بوقلبیم هیچ رضاوئرمیربوسوداده مدارآلمئر
168-بیزیم ساقی فقط بیردیرایکی عالم آرا زاهید
ایشیقلیق دیربیزیم دونیا اینان ئولماز قارا زاهید
ئونون وجدینده بیز مستیک نه مست جام ظاهیرده ن
بوراخ تکفیریوی بیزنن ئولوپ دوئزیول آرازاهید
169-دوغان وقتینده هیچ آیادئییبله ررهنماسان سن
منیم عومروم اگربایقوشدوسا مرغ هماسان سن
تاپئم قوی ئوزیولوم عیسی وموسی یابراهیمی
مگرمامورحی باقی ومرگ وفناسان سن
170-بیری میخانیه راغبب بیری دیر وکلیسایه
کنشت آتشگهه گئتمیش بیری بیرکس مصلّایه
مگرسیرتکامل مسجد وزهد ومصلّادیر
بوله یدیم گربواصلی گئلمه زیدیم من بودونیایه
171-جهات اربعه هرقوم وهراسلافه یئرورمیش
کمال نعمتی دونیابویی فرش ائله ییپ سئرمیش
بیری مایل دی عیسی یه بیری اسلام محموده
بیری ال قاوزاییپ طوبایه عومرون حصّه سین دئرمیش
172-شرارغفله ته یاندئم مگربیرباده سوندورسون
ئوره ک پیمانه سین ده زهداگریئرقوئرسادوندورسون
خوش ئول باده ئونی بیرمه لقا وئرسین خرامیلن
لباس نخوت بی مایه نی منده ن سویوندورسون
173-صباکوی نیگاریمدان خبروئرمیش بهارئولدو
گولوستانین ئوزوگول ئوزله رینن آشکارئولدو
قورولموش بزم لاهوتی جهات عالمه یکسر
بیزیم پیمانه لرده باده ی ناب سحردولدو
174-گئلیپ میخانه ده اگله شمیشم مین التماسیله
قدحلرقاوزانورمیخانه ده هرخاص وعامیله
نه شه معلوم نه درویش وگدانه عارف وعامی
عنایت ائله ییرساقی بوالطافی تمامیله
175-شرارهیجره یاندئم ساقیامی وئروصال ئولسون
ئوزاهید دیردئییردونیای مادّی ده محال ئولسون
منه نقدعالمین وئر نسیه ده ن بیزارئولوپ کونلوم
کونول ایستیرقدح لرده دولومی نقدحال ئولسون
176-نیه آدم له حوّانی یاراتدئن خاک اعلاده ن
ئوجاتدئن بختینی جنّت ده ده طوبای افراده ن
بیرآنداغالب ائدّین حیله نی آدمله حوایه
چاشیرعقلیم دونورکونلوم بواقدام ومعمّاده ن
177-منیم یوئخدورگوناهیم ئولموشام میخانیه راغب
گوناه زاهید ده دیرئولموش تمام جنّته غاصیب
بوقورخوم وائردی کی جنّت ئونون تزویرینه ئویسون
ئونون اندیشه سی شیطان وئره ن افکارینن کاسب
178-بوبئش گون عومرو وو قیدروایتنن ئوساندئرما
کونول ایسته کلرین زاهید خیالینن ئوتاندئرما
خرابات ایچره باخ هرشیئ حقیقت دیروقاحت یوخ
بوراخ زنّارودستاری ئوزون جهلیله قاندئرما
179-بشرخلق ئولماییپ زاهید جهنّم ده ئودا یانسن
نه لازیم سن وئره ن بوش وعده ی خامیله تاولانسین
تمام جنّت اعلاسنین ال چک خلایق ده ن
جهنّم قوی بیزیلن ئوتلانئب آتش آلو ولانسین
180-منیم جانیم سیزیلن جنّت اعلایه یوخ گئدمه ز
بوحاضیرده ن چئکیپ ال گوئرمویه ن دونیایه یوخ گئدمه ز
گئتیرساقی دولاندئرمجلسه ناب طهورانی
بوبزم رزمیده ن ئول نسیه ی بیجایه یوخ گئدمه ز
181-گئتیرمه ساحه ی حاضرده کئچمیشده ن روایتلر
نه فتوا ائیلیسه ن مخلوق ائده سایسیزرعایتلر
منه نقد ایله مین لرئیل روایت ائلیه ن عدنی
ئوکی ساقی ائدیربیرکاسه می نن چوخ عنایتلر
182-منیم وائردیرگوناهیم سن ئونوتطهیرائده ن مه زسن
باغیشلاریاعذاب ائیله ر مراتب ده ن سئچه ن مه زسن
اگرجئرسا رعایت پرده سین اسرارگوئرسه ن سه
مین ئیل سایسان روایت پرده نی حاشا تیئکه ن مه زسن
183-جهات عومرو ووصرف ائله بزم ائیچره نیگاریلن
کئچیردایّامی جام وباده وبیرنازلی یاریلن
ذکاوت عالمینده نیسیه نی نقده روابولمه
ساریسدیرما ئوزون بوبی هدف چرخ ومداریلن
184-شرارت ائله مه زهرکیم خراباتین یولون بولسه
بوتون عومرون ثواب ائله راگربیرقلبی گوئلدورسه
حقیقت لردئگیل راهی کلیسا یامصلّایه
خرابات اهلی ئول کس کی بواحوالی بولوندورسه
185-گئلیر حوریلرالده جام می میخانه ی بزمه
قدم قوی سنده بومیخانیه بیهوده یول گئزمه
ایاق توپراقه قویدوقجا بصیرت گوئزله رین دوئزله
دوداقدی ال ایاقدی باشدی آرام آت قدم ازمه
186-کمندی کی آتیربهرام صیدائلیرسه آهونی
ائدیرلیلاده شهلاگوئزله ریله صیدمجنونی
پریزادئونداکی گیسوکمندیلن دوتورصیدی
قالیرمبهوت ئودم بهرام ئولورمبهوت ومفتونی
187-بودورآئینه ی دونیا بیرآن سیمای خوش منظر
بیرآن دیلداده دیربیرآن ئولوردیلدادیه دیلبر
ئولوبدورباکره هرکس له کاوین ائله ییپ امّا
بوعهدی هیچ زمان هیچ بیرکسیله ائتمه دی آخر
188–دوئزه رتمیش کوزه گربیرکوزه گوئزآچمئش نه لرگوئردوم
گداوشاه ودرویش ورخ وچشم وبصرگودردوم
بیری آغلیربیری باغلیر بیری داغلیربیری الده
دولاندئرماخدادی جام می ای شام وسحرگوئردوم
189-دئدیم دونیایه چوخ بئل باغلاما بنیانی توپراقدی
بودونیاچوخ ئوزوندوربول مونو دیوارین آلچاقدی
شه ودرویش ئولایاکی گداوعابد وزاهید
بونون بیرعادتی هرصنف ئولابیرده ن جان آلماقدی
190-مهارائدفبکریوی اندیشه وی زاهیدیولون گئدمه
ئوتورمیخوارینن میخانه ده عومرون تباه ائدمه
گوئزه ل بیربزم قورنازلی نیگارینن مصفّاده
گوئزه ل اوقاتیوی ناقل روایتله رله اینجیتمه
191-ئوبیر آلمایئییپ بیراشتباه ائدمیش دوشوپ خاکه
گوئرورسه ن قاوزانوپ سس بیرایاق چاش مئش سا افلاکه
بوتون دونیابویی یالواردوشه سجاده تسبیح ائد
گوئره ن مه زسن گئده نمز داه بوآدم جنّت پاکه
192-ئوآدم کی ئوگون نقدی آتوپ جنّاتیده ن چئخدی
تمام قصرعزّت هرنه وائربنیانه سین یئخدی
دئمیش لر ئول فواکه ده ن یئمه آدم ده حواده
ائدیپ سرپیچ فرمانی نئجه آرامشین سئخدی
193-اشیتسه م هرزمان هریئرده بیربزمی ئولوپ مفروش
بساط باده وجام وقدح ئول بزمید ه منقوش
آلیپ لوح ازل کلکین ئوزومده ن بیرمثال آلّام
چئکیپ تصویریمی ئولّام گوئزه ل حوریله هم آغوش
194-اینانما وعده ی خامه کی زاهید سوئله ییرهرآن
ریا ومکروزهدیله دوئزه رمزقلبیده ایمان
قدم قوی مئنله گئل کوی خرابات ایچره ئول ساکن
ائده ک زهدوریاقصرین گوئزه ل ایمانیله ویران
195-نه دیربازارمکّاره دوئزه ردیپ سن جهالت نن
ائدیرسه ن زهدینن تسخیرافکاری مهارت نن
ئولاربیرگون بها وئرمهز بشرداه بوخرافاته
یاشاردونیابویی سن سیز بواینسانلار صداقت نن
196-نه لازیم دیربهشتی سن دیه ن اوهامه وئریسن لر
اینان دوزدور بوسوز جنّاتی بیرخوش نامه وئرسین لر
بوگونکی نقدی وئرمه زلر صاباحکی نسیه یه زاهید
اینان کی مین بهشتی مست لربیرجامه وئرسین لر
197–کئچیردیم کوچه ی میخانه ده ن سوی مصفّایه
باخیردیم قلبینن ظاهرده کی تکوین آرایه
بومست ئولموش کمال شوقینن ساقی آدین سسلیر
ئوگوئزتیکمیش هله واعظ گله طرف مصلّایه
198-نقاب غفلتی گوئزده ن گوئتورعالم منوّردیر
نه دیرفیکرائلیسه ن جادوی زهدیلن مسخِّردیر
چئکیپ تقلید بی معنایه بطلان خطّی نی سن ده
اینان عالم سنین قلبینده کی لوح مصوّردیر
199-فراق حضرت جانانه گراذن وصال ئولسا
فراقین ده ن قوتولموش بختیمه بیرخوش مآل ئولسا
بهشت عدن ساقی ده ن تمتع ایسته ره م حجّه
خراف زهدینن هرچند بوحالت محال ئولسا
200-سبوی باده نی دولدورمی خوناب رنگینه
ائله تعظیم جانانه می یه میخواره آیینه
گوئزون یوم هرنه وائر زهد وریاومکریده ن شاید
ئولوپ تطهیرهم نایل ئولارسان آیت دینه
201-نه اذعان ائلیسه ن تفسیری مختصّ ائله دی داور
صحف ده هیچ دئمیر من سویلی ییربیز خلقته رهبر
بولورسن کیم سیاق زهدده ن عاری مبرّادور
ئوکی مست خمار ئولموش اتیچیرناب خوش احمر
ئوزی ئوزامرونهییله ئولائوز جانینه سرور
202-مجال ایسته رسایام آزاده اینسانین کمالاتین
ئونوسایدئقجا حسّ ائله ئوزون زاهیدمضرّاتین
خرابات ایچره یوخ زهدوریا جان هدی جاناندور
ایچیربیرکاسه می باخ گوئرنئجه سویلورمناجاتین
203-نه دیربواعتکافین مسجدومنبرمقامینده
دئگیل سن زاهداسن مسجدومنبرمقامینده
سنین مکروریا وحیلتین زاهید گوروشموشدور
حرام ئولسون سنه بیرجرعه می آداب جامینده
204قدم قویدوقجاتوپراقه قولاق وئرناله ودرده
دوروب دارا و اسکندرپری پیکربرابرده
سبو وجام ئولوب بیرعدّه سی میخانه صنفینده
بودور رسم زمان توپراق ئولارسان سنده آخرده
205- ئواسکندرکی شرق وغرب دونیانی بوتون آلدی
ئولوپ گئدمیشسه دونیاده ن ئونابیرقبریئر قالدی
نه دیرغصب ائلیسه ن توپراقی بیرباخدئنسا عزرائیل
نفس چئکدیکجه ال قویموش ئولوم پیرایه سین سا
206-بوعومرون لحظه سین بیر ئویله بول عومرون ئولورفانی
ئودور صرف ائله مه زاهیدیالاندان نقدایمانی
سن آل نقدی هله قوی نیسه لر قالسین فلاکت ده
دئگیل شایسته بوآز عومره بیردونیا پشیمانی
207-مرامین سیرکه له آزادائله جانین اسارت ده ن
نه قدرآواره لیک بئسدیر بوراوی بوروایت ده ن
چئکیل گئل منله زاهیدّه ن قوتول سیرائدخراباتی
نه قدرآزرده لیک سجاده قیدین ده شرارت ده ن
208-شرارت لرباخئرسان محتسب ده ن بیشمارئولدی
وجودوم وعظ واعظ ده ن دارخمیش بیقرارئولدی
سالیپ تشویشه دونیانی ریا ومکر وتزویری
خرابات ایچره امّامحتسب مکری مهارئولدی
209-بوراخ سجّاده نی میخانه ده رحمت مهیّادی
می ناب روان ایچ گوئرحقیقت ده نه غوغادی
نه زهدونه ریاواردیر نه مکروریو ونه تشویش
جهات عالم مستی عجب خوش عالم آرادی
210-گئلیپ بیرکارگاه کوزه گرده ئول بیرآزمشغول
می ایلن توپراقی قائتمیش دوئزه ردیربیرگوئزه ل محلول
قوئیوربیرچرخ دوّاره دوئزه ردیربیرخم باده
بوخمدان باده ایچ ئوندان قاباخ جانین ئولا مشمول
211-سحرگئل بیریاناخ گول باده سیندن مست مدهوش ئول
ئومدهوش عالمینده بیرنیگاریله هماغوش ئول
آچیخلاشسین بساط باده وچنگ ودف وبربط
ئوبزم ایچره گوئزه ل بیرماه منظریاره مفروش ئول
212-کمان ئولموئش قاشی کیپریک لرینده ن ائود یاغیرجانه
چئکیربطلان خطی گوئزده ن یاغان ئود دین وایمانه
شماتت ائله مه ای محتسب گئل بیرخراباته
نه بولسه ن گوئرمه سن قان ایچدیریپ بیرغمزه صنعانه
213-بیزیم قانون حریّت ده می ایچ مست مدهوش ئول
گوئزه ل حوریله ریلن هرزمان هردم همآغوش ئول
نظام عالمین نظمین پوزوپ ترک مدارائدمه
ریا صنفین بوئراخ رندیله هم پیمان وهم نوش ئول
214-نه قاندئم بوکئچر آزعومریده ن پیمانه نی دولدور
شقاوت بئسدی گولزارین عدم پیرایه سین یولدور
سن عادت ائله ییپ سن ای فلک یوخدورمساواتین
سوسوز قوی غنچه ی شادابی گون پارلاشمادان سولدور
215-چئکیپ نقّاش لوح ذرده بیرخوش منظرزیبا
آدین بیلقیس قوی مریم ویاهاجرویاسارا
اصالت ئوردادیر لوح ذرایچره بسله نیپ جانان
گوئزه ل لیک بیرعطادیرحضرت جانان وئره ر جانا
126-تقلّاائله ییپ بیرآدلیما ئون پلّه نی چئخما
قاباخدان دئرماشان وائر دئرماشیپ ئوز جانیوی سئخما
گئنیش لندیرئوره ک دریاسینی موج ایله جانینده
یئغیپ افکاریوی بیرکوزیه دارلاشدیریپ یئخما
127-وصال یاراگرایستیر کونول گئل کوی جانانه
ئدیپ چوخلو ئوره ک سنده ن قاباخ مفتون ودیوانه
دوزوم لردوزله ییپ بیرمه لقانین کوی وصلینده
یئتیر اذن ئولسا گر بیرشانه وور زولف پریشانه
218-دولاندیرمجلسه پیمانه لرسس عرشه قاوزانسین
گئتیرمجمر ئوزه رلیک سال شرارت گوئز نه وائر یانسین
ئوره ک لربیرله شیپ الّربیرئولسون گوئز صداقت لی
محبّتنن ئوره ک آرایه سی هریانه یایلانسین
219-ئوشهلاگوئزله رین ده ن باخ صراحی ده امان آلدی
کمندزولف آتیپ آدابی قئرمئش جاندا جان آلدی
ئو نازیلن خرامان قامتی اثنای مجلسده
ئوشهلاگوئز ائدیپ غمزه سوزوپ جاندان روان الدی
220-نه دیرزهدوریا کیم مکرزاهید ده ن جواب آلدی
خوش ئول کی واعظ وزاهدحضوروندان عتاب آلدی
ئوزاهید کی دئییر شرعین حرامین خلق خلّاقه
چئکیبدیر پرده ی تزویری مهساده ن شراب آلدی
221-اگر حاشا ئولابیرزاهدی میخانه ده ظاهر
گرک جام وخم ومیخانه ئولسون تازه ده ن طاهر
قدم منحوس جان منحوس هرسوئز هرعمل منحوس
کمال حقه بوواعظ له زاهید ئولماییپ شاکر
222-بوزنّاروئودستاریله دونیانی چئکیپ داره
سالیرآحادی دیک چوقّوریولوندا کهنه افکاره
قوروپ بزمین بساطین سسله نیر زهدین خرافاتین
فسادوفسقی دالدا ائله ییر تزویری انظاره
223-جهانین عومروبیرسن ائلیه ن عمورونجه باقی دیر
قالان سن گوئرمویه ن سنده ن سوراجام وصراحی دیر
ئوزوندور روزگارین قویروقی سن ئوزمآلین تاپ
ئوکی واقع گوئرورسن حظّ آپار باقی شفاهی دیر
224-منه بیرخوش سیر دیلدارینن پیمانه لازیم دیر
بوپیمانه دولا هم محفل شاهانه لازیم دیر
نیگارین ساچلارین آچماخ قئریشدان چوخ زمان ایستیر
ساچین قئرشیغلارین ناز ائدمه گه بیرشانه لازیم دیر
225-ئوترساکی آلیرصنعانیده ن بیرنازیله ایمان
آلارواعظ له زاهید ده ن وجود وجانینی آسان
شماتت ائله مه صنعان نیه ترسایه عبد ئولدی
ئوره ک گوئز گوئردوگون ایسته ر اگر بودای دهرئولسان
226-اسه باد صبا صبح ظفرده کوی جانان دان
قارا زولفون اییین حسّ ائلیه م هرلحظه هریان دان
ئولام کویوندا ساکن اذن ائده بیر عمر دربانی
وصالین لحظه سی مشتاقیم هرلحظه ده جان دان
227-گئتیرجام سعادت مسجدومنبر ده یوخ چاره
ائدبپ واعظ خرافاتی جهات دهری بیچاره
صراحی دولدوروپ ساقی یئتیر اولاد حوایه
سنین جامین مگروئرسین شفا بوخلق بیماره
228-روایت لراصالت ده ن چئخاردیپ خلق دونیانی
گئلیرهرلحظه صبح وشام ئودو رخلق ایچره ویرانی
رواج ماتم ودردوخرافات ئولدی دونیاده
گئدیپ دیرامّتین بیروعده اطعام ئوسته ایمانی
229-داهاحسرت یاغیرگوئزده ن ئوره ک ده ن ئودشرارائلیر
قئزاردیربینوالیق ئوزله ری باخ تارومارائلیر
شراروظلم زاهید ده ن بوتون میخانه باغلاندی
آغیرلییق لارداها ملّت وجودون بی قرارائلیر