بیرجام شراب ئولسا نیگارائدسه تعارف ئوندان آلارام درس مصادقله معارف-1
ئول محتسبه سوئله بیزه ائدمه نصیحت بیهوده ئوزون یوئرماسوزون ائدمه مصارف
کئچمیش گئجه میخانیه اغیاردولاندی حرمت پوزولوپ خومدا می ناب بولاندی-2
جامین دولوسو می منه وئرمیشدی کی ساقی اغیاری گوئره ن لحظه نه ئولموش کی جالاندی
آتشکده ومسجدوهم دیر وکلیسا باخسان ائلی ییپ له رهه ره بیرقورقونوبرپا-3
میخانه یولون دوزله یئتیش گوئرنه خبر وائر جامی وئره جاخدیر ائلیوه دخترمهسا
بیرکاسه ی می ئولدی بهشتیله برابر مین رکعت عبادت ائله مه ز شخصی دلاور -4
زهدیله ریا مکریله ن باهم قاریشاندا دنیانی سالار ولوله ی کفره سراسر
زاهدله دونن چانه ووروب سوئز دانیشوردوخ ئو زهدیله من جام می ایله آلیشوردوخ-5
زاهد چکه راخ نقشه ی مینای بهشتی میناده ایچیبپ منده می ای هی قاریشوردوخ
وئرمه ز منه هیچ بهره بومحراب ومصلّا واعظ دانیشان وعده چاتیپ مقصده آیا-6
ایچ جام می نابی بوگون حور وپریلن من بولمه لی کی نیسه دی ئوعالم عقبا
بیریار پری چهریله قوئر بزم چنمده باخ بیربوغازین تنگ بلورینه ایچه نده -7
ئول لحظه ده سال یادیوه سودای بهشتی ساتدئخ نیسه وعدیه سن عومرو ومنده
واعظ له کی بیرقدر بوعومروم تلف ئولدی حیف ئولسون ئو مدت کی کئچیب بی هدف ئولدی8
هی وعده وئریب گوئرمیه ن امکانی دانیشدی اکسیر وجودوم ئوزمانلا رخزف ئولدی
می وئر منه زرجامیده یوخ ساخسیدا دولدور بیرخوش نظر ائدجان کی ئودریاده جومولدور-9
سن جامیوی دوت می دولاجاخ جامه لبالب کیمسه دوداغین جامه ئوپوشدورمه دی خولدور
آچ میکده نی دهر قاریشمیش خطراته بیرلحظه گومان ئولمورو دهر ئیچره ثباته-10
ساغر دولوسو وئر ایچیم ئول باده ی نابون عقل ایسته میره م خلقی سالیر چوخ مضراته
بیرجرعه شراب ایچسه م اگر یارین الینده ن خلقتده واریمیش بوله ره م بخت ازه لینده ن-11
قاشلاری کمان ساچی کمند اولما نه خوشدور من صید اولالی اوخ آتا صیاد کمینده ن
12-بیر قورقو دوزه ر ت توپراقی یئغ می له قاریشدئر شاه اولدی گدا ئولدی قاریشماغلا باریشدیر مینلر گئده لی ایل ائشیدیرسه ن کی ئوتوپراق جان تاپمادا سوئلور جانیمی می له ن آلیشدئر
بولسه ن بدنین خاکیله یکسان ئولاجاخدی لازیم سنه نه دین ونه ایمان ئولاجاخدی-13
میخانه ده ن ال چکمه خراباتیده یئر سال دهرین هامی آرایه سی ویران ئولاجاخدی
کیم سوئله دی می ایچمه کی عرشین گوئزوآغلار می ایچمیه نه بول کی دایاغ ئولمادی داغلار-14
عرشی کی می ایچمه کله سئزیلدار نه یه لازیم دریا ئولاغم می ایچه سه ن غم یولو باغلار
15- واعظ له منیم بیریوئلا گددمه م ئولابولمه ئونلان منیم ئورتامدا صداقت دولا بولمه ز
سجاده آچار یولدا ئو من بزم بساطین شرعین حدی منله ن ئونا بول ساچ یولا بولمه ز
-بیرکوزه شراب آل الیوه شهری دولاندئر واعظ دوزه دن دوری شرابونلا بولاندئر
آچ بیرده بساتین دولو جام ایله تعارف حتّی ئودا راغبدی اینان بول کی ئولاندئر
17-سجاده نی آت زهدی بوراخ یوخ ثمراتی من گوئر مه می شه م خلقیده ئولسون اثراتی
برزخدی جهنه م دی الو ئوددا یاناردی میخانیه گل یوئخدی جهنّم خطراتی
18-دونیانین ازه لده ئوله نی گر ئولا قابیل ئوندان سورا مینله رجه کرور ئولدی مقابیل
هیچ بیرخبری وائردی ئو دونیاده نه وائردیر ابنای بشر هامّیسی هابیلیله قابیل
19-بیرجرعه می ایچمه کله گئده ر دین اگر الده ن پس دین یوخوموش خلقت عالمده ازل ده ن
انهارطهورا کی بهشت ایچره آخیریلار کیم ال چکه ر ئول مجلس میناده گوئزه لده ن
20-بیرباخماقا شهلا گوئزه ایمانیمی ایستیر بیر بوسه لبین ده ن وئره لی جانیمی ایستیر
دونیا نه قه ده ر پست فرومایه دی بولمه م بیرداملا میه کاسه دولی قانیمی ایستیر
21-دونیاده داداش عومره گومان ایله مه ئولمه ک ده حقیقت دی یالان ائله مه ک ئولماز
هرکیمسه اکیپ آرپا بیچه ن مه ز داها بوغدا جار جار سیز اوغول بوغدا سامان ائله مه ک ئولماز
22-گوئردوم بیری سی خانه ی خمّاره گئدیردی همده بیری محکوم ئولالی داره گئدیردی
ئول داره گئده ن مخمصه ی دهری قورتارمیش خمّاره گئده ن دهریله ن پیکاره گئدیردی
23-بیرنهر کنارین ده دوئشه ن یاریله مدهوش یارالده سبونی وئره سن ائلیه سن نوش
کیپریک لری اوخ قاشی کمان گوئزلری شهلا عومرونده ئوبیر لحظه ئولوب پرده ده منقوش
24-دونیا دولانیر چرخی دولانماخدادی دائم عزرائیله آد قالدی جان آلماخدادی دائم
اسکندری گوئردوم آپاریرلارالی بوشدور بیریاندا دولور بیرده بوشالماخدادی دائم
25-واعظ منیله ن خانه ی خمّاره قوناق ئول دستاروعبانی بوراخیب گوئز له قولاق ئول
بیرکاسه می ایچ ساقی دیوانین الینده ن وعظی بوراخیب فلسفه ده ن بیرآن ئوزاق ئول
26-بیرباده یئتیر باشدائولان هوشومو آلسئن بربط ده کناریمده ئوخوش نغمه نی چالسئن
حوری کیمی خوش یوزلوگوئزه ل نازلی پریلر افشان ائله ییپ ساچلاری نی کوئلگه نی سالسین
27-کئچمیش گئجه بیرغمزه ساتان دیلبه ره چاتدئم بیرغمزه سینه دینیله ن ایمانی می سات دئم
بیرآن ئوزومو حاضیر ئدیردیم کی وصاله یارئولمادی یختیم ائله بیل وقتی یوباتدئم
28-ئو وجوندایئغیب توپراقی می توئک ئونی ایسلاد بیرجام دوئزه ردیب ئونی چوئخ نازیله ن ئوینات
دیسگین مه دانیش سا سنیله ن یاخشی قولاخ وئر سوئزله ر د دانیشیر جامیده بهرام وپریزاد
29-عارف گذرا عمر دوامینه اینانماز دوئز یول گئده ن اینسان یوئرولوب همده ئوسانماز
داش وائر سره وائر دیک چوخورون وائردی بویولدا مطلوبونا بئل باغلیا کیم یوئلدا یوبانماز
30-گئل میکده ی شهره الینده ئولا جامین ساقی وئره بیرجرعه می ناب روانین
تزویروریانی تاپیشیرزاهد شهره ساقی آلاجاخ میکده ده بول کی سلا مین
31-عومرون ئوزونون یوئخلیان اینسانه سوئزوم وائر اقرارائله ییر کی صاباح ئولسوندا گوئزوم وائر
ایندی دونه نین دیر دونه نی همده صاباحدیر هر لحظه عومورده ن گئده لی کیم ده دوئزوم وائر
32-من بولمه لی کی یوئخدی قراری بوجهانین بو بیرقوجادیر کی کیمه گوئسترمه دی کامین
خوش ئول کسه کی یوئز قویا میخانیه ساری حبّانه ده بیر قطره میه دولدورا جامین
33
کئچمیش گئجه بیرموژده یئنه غیبده آلدئم زنّاری آتیپ راهیمی میخانیه سالدئم
ساقی منه بیرناب طهورا وئریب ایچدیم شکرانه سینه ئول گدجه میخانه ده قالدئم
34
توپراقی یئغیب نابیله بیرجام دوزه ردّیم نقّاشه وئریب رنگ وجلاسینی بئزه ردتیم
می دولدوراراخ جامیده غوغا ائشیدیردیم سیندیردیم ئوجامی یئنه توپراقه سره تدیم
35
–35-دولدورقدحی بادیه کونلوم کدرئولدو زاهید سوئزوقورتارهامیسی بی ثمرئولدو
باخدئم هه له سن وعده ویرسن ئولا ئولماز پیمانه نی دولدور می ئه می تاج سر ئولدو
36-تسبیحی آلیپ ذیکرایله ییرسن نه یه لازیم من لن گئل ئولاخ کوی خراباته ملازیم
من یاخشی نیشانین بولوره م عدن بهشتین تسبیح ائده نمه ز سنی ئول مقصده عازیم
37-جانینده اگر ئولسا بیرآن چشم بصیرت صورت نه یه لازیمدی بوله رسن نه دی سیرت
مال وحشم ودولت ئولا حدّینه لازیم مال وحشمه ساتما ولی قوم وعشیرت
38-مجلسده مداما قدح باده دولاندئر احبابه وئریب خواب جهالت ده ن ئویاندئر
چوخ نسیه ساتیپ واعظ ئواحبابه بهشتی بیهوده ییمیش سوزله ری احبابی ایناندئر
39-شهلاگوئزحمیرا ئوز ئولاساقی مجلس هم ساقی ئولار همده ئولار شافی مجلس
رعناقدی غنچه دوداقی قاشی کمانه بیرغمزه وئره خوش یئریشی کافی مجلس
40-عومروم هدرئولموش ئوکی زاهیدله دولاندئم میخانه سلامین ائشیده م چوخلو یوباندئم
ئونار وبهشتی دیه راخ نسیه سی واضح من می ده ن ئوزاخ دوشمه لی حاضیر ئودا یاندئم
41-بیر کوزه ایلن دون گئجه بیر پاره دانیشدئم غفلت له ری یاد ائیله مه لی درده قاننیشدئم
ئو سویله دی من شاهم ودرویش وگدایم منده شه ودرویش وگداسیله یانیشدئم
42-اگرئولمویا می هیچ یاشامین یوخدی صفاسی ئولدوردو منی زاهدیلن وعظ ریاسی
غوسل ائدمه لی یه م حوض می نابیده چونکی مرتدّ ایله دی دانه ی تسبیح جفاسی
43-بیرعارف نامیله دونن همسفر ئولدوم هرسوئز دانیشوب جان دولی گوش وبصر ئولدوم
جانانی گوئروب جانیمی جان ایچره ایناندئم زنّاریله دستاری آتیپ خوش سیر ئولدوم
44-عمری کی نفس ئولماسا فانی ئولاجاغمئش بیر استی سویوخ ئولماغیلان گر سولاجاغمئش
زاهید سوزونوسانما یالان وعدیه ئویما دوزخ ئودوگر ئولسادا زاهید یاناجاغمئش
45-بئش گون بوجهان ایچره اگر وائردی حضورون گول قهقه چک ئویناچئخا اعلالیه سرورون
غفلت ایله مه جام ومی وحور وغزل ده ن ئوندان سونراکی پخش دئولاتوپراقه غرورون
46-خوش ئول کی قورولتای قورولابزم وصاله واله ئولاسان گول یوزه هم لبده کی خاله
بیرجام آلاسان حور پریزادین الینده ن ئودلار ووراسان زهدو خرافات محاله
47-میخانه یولو دوئزدو ئونون ایریسی ئولماز میخانه ده بیجا یئره جان بادیه دولماز
ئوردا نه ریاواردی نه ده زهد وتکبّر میخانه گولوباد خزان دئیسه ده سولماز
48-چوخ داغ داشی گئزدیم تاپام آرامی می امّا آرامی می تاپماخ ائیله بول ئولدی معمّا
میخانیه گئلدیم دئدیم اسراری سبویه آرامیم ئو دم گئلدی گوئزه بیر دولو دریا
49-رعناقدینن سیر ائده سه ن باغ وچمنده ساچلا رآچیلا سو ورولا توک یئلده اسنده
یلدا کیمی گون تار ئولا گوئزلر قاباغیتدا بو وصفه تماشا ائده سونبول ده سمن ده
50-نقدی بوراخئب نیسییه ئولما متمایل بیر مشک شراب آل ایله چیئگنینده حمایل
باخ یولدا گئلن کامینه بیرکاسه نثار ائد واعیظ ده ئولا کاش بواحسانیوه نایل
51-سازیله شراب ئولسا نیگار ئولماسا ئولماز هر وقت ئولور ئولسون نه باهار ئولماسا ئولماز
اغیاریله می ایچمه دیئیه ر قاضی شهره میخانه مریدینده مهار ئولماسا ئولماز
52-واعیظ نه دئییر سه ن یاناجاخ آتشه آدم اللّه ئودی سوندورمه ده سن وورما دمادم
دونیا یاریسی جنگل عریاندی باخیرسان بیبهوده دئمه، اوت یاناجاخ ئولدو فراهم
53-میخانیه گئل ویز ووبالین منه گئلسین بیرکاسه شراب ایچ حامی احوال دوزه لسین
چئخ صحن مصلّایه چاغیر قاضی شهری وورسون ئوقه ده رحدّ ئوحدّی کی قره لسین
54-کئچمیش دونه نییدی ئونا عومروم هدر ئولدی واعیظ له ئوتوردوم عجبا بی ثمر ئولدی
میخانیه گئلدیم گئجه اغیاری بوراخدیم میخواریله قالدئم نئجه عالی سحر ئولدی
55-هیچ بیر کیمه قالماز سنه ده قالمیاجاخدی تعریف ایله دونیانی مدال سالمیا جاخدی
فرعون دمیرده ن قابا گیئرمیش دیری قالسین شدّاد ئولا حدّینده ن آرا قالمیاجاخدی
56- بیر نازلی پریچهریله قوئر بزم دل آ را حسرت لیدی بو لحظیه اسکندرو دارا
ایچ جام شرابی ئوپریلن سحر ایله سالما یادیوا هاردا قالیپ زهدو مصلّا
57 –چرخ فئرلاناجاخ سن ئولاسان ئولمویاسان دا یاپراق دوشه جاخ سن یولاسان یولمویاسان دا
یائزگویله ده جه کدیرچمنی یای ئونی داغلار گولّلر سولاجاخ سن سولاسان سولمویاسان دا
58-چوخ لئج ایله مه چرخ مداریندا مدار ئول تاپ مسندیوی پای مدارینده قرار ئول
آرام آتیوی نالّلا یهرله یولادوشجه ک آرام یاپیئش ترکینه عزّتله سوار ئول
59-بو پیلّه کانین پیلّه سینین چوخدی بلاسی ظاهرده ئوجا پیلّه سی هم رنگ وجلاسی
هر کیم ئوجاچئخسا ئوجادان آغنییاجاخدی یوخدور بشرین حق سوزه گوش شنواسی
60-اسرار سراپرده نی بولمه ک نه یه لازیم اسرار یولون تاپماغا هیچ ئولما ملازیم
عومرون ایکی گوندور دونه نین گئتدی بوگون ده معلوم ئولالی ئولمالی سان سیرّیوه عازیم
61-میخانیه گئل زاهید اینان یوخدی گوناهی بیرکاسه شراب ایچ تانی هم شوکت وجاهی
باخ گوئر نه پریچهره لر ایلیر سنه خدمت صیقل ده اله لازیم ئولور گاه بگاهی
62-کاس سر جمشید ده ا یچ باده ی نابی واعیظ ده دئسین نار جهیمیله عذابی
خالیق یارادان خلقینی هیچ یاندیرار آیا؟ مخلوق یانا خالقین ئولماز ئونا تابی
63-سن نقدی بوراخما ئولاهرچند هلاهل حوریله ئوتور جام شراب الده مقابیل
سجّاده ایله جامه ی تزویرده ن ال چئک ئویماز نیسییه وعدیه هرکیم ئولاعاقیل
64-چئخ صحن مصلّایه چاغیر خلق یئغلسین بیر نذر نمازین می ای نن آدمه قئلسئن
دونیا بویی سجّاده دی قوئر بزم بساطین قویما بوقه ده قلب مصلّاده سئخلسین
65-بیرالده سبو بیرالده آل زلف نگار عیشیله چالیئش قویما قالارنج ومرار
عومرون ایکی گوندو بیر گونون زایل ئولوپ حاضرگونه ده بیر کسینن یوخدی قرار
66-واضح دانیشیلماییپ وجوبات نماز اللّهی وینان سویگولو ئول سویله نیاز
قورخوزدوسنی زاهدصدچهره اینان اللّه یله زاهد یولا گئدمیر نه دی راز
67-کئچمیش گونی یاد ایله مه یوخدور ثمری پاک ایله ایاق ایزین قوتولسون اثری
ایندیسه گئلیر اگر نفس باده نی ایچ خوش ئول کی ایچه شراب ناب سحری
68-چوخ یائز گئله جاخ من گئده لی دنیاده ن بیر آد قالیری سکندر وداراده ن
بهرام وپریزاد گئدیپ توپراقه یوخدو اثر ئول سرو قد افراده ن
69-بیر جام شراب ایچیپ بوراخ دونیانی کئچمیش ده ن اثر یوخدی مگرویرانی
بیرکعبه دگیل قبله ی آمال وجود هر سمت ئولاراخ زیارت ائد جانانی
70- گوئردوم ئوخویور هزار گول ناز ائلی ییر هرناز ائده راخ عشوه سینی ساز ائلی ییر
خوشبخت ئودور بولحظه مسرور ئولسون هرلحظه ئولوم ساحه سی آواز ائلی ییر
71- الده ن بوراخیپ جامی پشیمان ئولوسان زاهید له گئزیپ حافظ ایمان ئولوسان
رویاده گوئرورسن کی بوزاهید کیمیمیش الده ن گئده لی جامیوه نالان ئولوسان
72- بیرساخسی کوپو ناز ایله دیم ساز ایله سین جانیندا دئولان سیرّینی احراز ایله سی
گوئردوم کی حزین حزین گئلیر گفتاره بیرآهیله ایستیر سوزون آغاز ایله سین
73-بیر رند خراباتیله ئولدوم همدم چوخ سعی ایله دیم ئولمادیم امّا محرم
بولدوم کی گرک رشته ی زنّاری قئرام تزویر ایله مه بئسدی جهالت آدم
74-بیرکوپ گوئتوروپ چیئگنیوه گئز کوچه لری تکرار ایله نصّ سویلویه ن آیه لری
داوود ئوخویان صوت سماوی ده ئولا زاهید بوغازیندان چئخا گر یوخ اثری
75-ساقیّ سعادت وئره بیر جام آلاسان هم گوشه ی میخانه ده خوش نام آلاسان
جان کعبه سینه سیر ائده لی ساقی ده ن ئوز مهوشیوین دورینه احرام آلاسان
76-تاجنگ وجدل کرسی افکاریده وار ابنای بشرده یوخدی آرام وقرار
حاکیم کیم ئولا چکیر جهانی داره حکم ئولماسا بوش قالار اینان چوبه ی دار
77-گئل عیش بساطین آچ گولوستان ایچره قویسون قدمین نیگاریمیز جان ئوسته
بیر جام شراب ایچیپ یئخیل مخمور ئول زاهید دیه جاخ یئخلدی ایمان ئوسته
78-تزویریله زهدیله خلوص ئولمازیمیش بیرقطره شراب جامیوه دولمازیمیش
زاهید کی دئییر کفره سالارباده سنی هیچ مست بوکوفرون ساچینی یولمازیمیش
79-گرمست خراب ئولام گئزه م کوچه لری قالماز داها زاهد دغاده ن اثری
می دیر کی صفا وئره روجود بشره من گورمه میشم ئولا ریانین ثمری
80-میخانیه گئل باده نی ایچ مخمور ئول بیرحجب وحیا پرده سینه مستور ئول
واعظ له ئوتورما گئل می ستانه طرف بیرجام شراب ایچماغینان مسرور ئول
81-بیرکفّه ترازویه قویون ایمانی بیرکفّه سینه جام می مینانی
ئول کفّه کی قالدی گویده ایمان ئولدی واعیظ سیزه برعکس ئوخویوپ میزانی
82-من لوح ازلده کوئردوم آرام وجود هیچ یازمامیش ئوردا وائر رکوعیله سجود
چوخ جام وسبو وقدح وحوض طهور مخلوق ایچه ر باده وئره ر حقّه درود
83-عومرون بویی چوخ قئسّادی یوخ معناسی محشور ئولوپ ماتم وغم دونیاسی
بیر جرعه شراب ناب ایچیپ ئول مسرور زاهید ده ئولار معصیتین پرواسی
84-گویا یارادیپسان بیزی طاعاتین ایجون مینّت قویوسان خیلقته آیاتین ایچون
بس خلق ئولونوپ ساز ودف وچنگ وربا ب منده ن ئوته ری یاکی سنون ذاتین ایچون
85-هرنعمت ئولا باعث شادیّ بشر فتواسی منیم باده نی ایچ ائدمه شرر
خیلقت سن ایچون شامل ئولوپ من بولوره م عقباده خدا وورمویاجاخ خلقه ضرر
86-گئل میکدیه ئوتور نیگاریله قرین گرشاه ئولاسان سویله مه وائر تاج سرین
ئوردا شه ئولا عامی ویا میر وگدا مکر ائدسن اگر یوخدی بقاده ن اثرین
87-مست ئول می پاک قدح میناده کیم ساخلاماییپ آیتینی دونیاده
آل طرّه ی گیسوی نگاری الیوه نادیم دگیله م من بو گوزه ل سوداده
88-هرباده گئلیپ لایق ساغر ئولماز دوئز باده ایچن جاندا صداقت سولماز
یاقوت ئولا یاکی زبرجد جامین گریوخسا وفا شراب ئوجامه دولماز
89-زاهد بویالان وعده نی آغاز ایله مه افسانه روایتیله سوئز ساز ایله مه
گئل سنده منیمله نقد سودایه ئوتور فاش ئولمویاجاخ اینان داها ناز ایله مه
90-حوری کی بهشت وعده سینن ئولاجاخ ایندیسه اینان صاباح طراوت سولاجاخ
هرکیم اینانیپ بوبی ثمر وعده له ره پشمان ئولاراخ باشینداساچلاریولاجاخ
91-ساز ودف وچنگینن دوشه جام می ای بوبزم لره چاغرما جمشید کی ای
جام الده ئوزاد شراب توکسون ساقی حرّاج دگیل قورتولاجاخ قالما گئری
92-واعظ من ایچیم شراب سن ایله ثواب حوریله دوداق دوداق ئولوم مست خراب
سن باخ بیزه بونقدیله حاضیرده خوشوق وعده ن هله دوئز ئولسا بیزه ایله عذاب
93-خلّاق جهان نعمتینی ائتدی حلال شلّاق شریعتیله سن وئرمه ملال
گوئردوم کی ئودستار باشیندا گئلیسن بزم ایچره خومار ئولدوغوم ئولد ی زوال
94-گئل پرده نی قئر خالیقه گوستر ئوزووی ئوز ئوزئوتوروپ سویله ئوره ک ده ن سوزووی
زاهد نئجه قورخوزور سنی خالق ده ن گوئر قورخوسو یوخدوراینانیپ سیل گوئزووی
95-نه عین بهشت وائردی نه نار جهیم نه ایلییه جاخ حساب اللّه علیم
قهّار دئییپ خلقی هراسان ایله مه رحمان رحیم آدلی والای کریم
96-توپراقه قدم قویوپ قولاق وئر سوزونه توپراق د انیشیردانیشماییر ئوزئوزونه
هر ذرّه سی شاه ومیر ودرویش وگدا چوخ وورما تپیک دییرسه شهلا گوئزونه
97-دولدور بوشالیبدی جام مطلوب شراب باخ جانه گئلیر شراب دیدیکجه تراب
منبرده دئییردی بیر پریشان واعظ دین ئولکه سینی تکجه شراب ائتدی خراب
98-میخانه وجام باده وتنگ شراب مخمور می الست وهم مست خراب
گول یوزلو پری چهره منی مست ایله سین سول چیگنیمه یازسین ملک القرب عذاب
99-قورموش تله سین زمانه سن هشیار ئول اورمان دولی یئرتیجی داها بیدار ئول
آواره قالیپ گئزمه بو دارستانی یا طالب جام باده یا دستار ئول
100-داغدان ئوجا داغ قالاتدی قلبیمده فلک دوئز ایش یوخوموش هرنه ائدیپ دوز وکلک
باخ بیر ئیری نارین قاتیشیپ بیربیرینه لازیم دی بوتوپراق ئولونا بیر ده الک
101-هربورکونی یان قویان کله دار ئولماز هر آت چاپیدان ئولکه ده سردار ئولماز
ئوز ال قابارینان یئمه سه کیم امه گین ایل طایفا ایچینده ئوامک دار ئولماز
102-بیرجام شراب ایله میر مست خراب آنجاق ئولونور فقط خداونده عتاب
کوپ لر گئتی من عتابی داه ردّ الیه دیم پرواز ایلی ییم سمایه مانند شهاب
103-خلّاقیله دادگاهیده شور ایله دیم بیر محتسبی می ایله مخمور ایله دیم
قاضی ئولاراخ محتسب ئول اثناده آزاد ی، می، یازیپ سا ممهور ایله دیم
104- ساقی گئجه میخانه نی ارزان ائیله دی جامیله می یه عهدیله پیمان ایله دی
آیدان دا گوئزه ل پری لر ئولموش ظاهر زاهید دوزه ره ن کوپرونو ویران ایله دی
105-هریول چکه نین یولّاری هموارئولماز دوئز چکسه یولی شامل آوار ئولماز
قانشارداگلن قانشارا سویله سوزونو دوئز یول گئده نه ایری پدیدارئولماز
106-بو محتسبین حسابی گویا چوخالیپ تسبیح لرین وردی خداده ن باج الیپ
تسبیحی آتیپ غیظیله سجّاده سینه مکر ایله دی امّا بوله نیم چوخ یاغالیپ
107-زاهد هله سجّاده وی آچ ایله نماز قافی بوغازیندا دء اوزاد ذیکر دراز
هر ذکرئوزون ئولدوقجابهشتی گئزه راخ اوهام خیالیندا ایله راز ونیاز
108-خلق ائدّین اگرآدمیلن حوّانی لازیم نه ییمیش شرط ائده سن پیمانی
حاشا کی بوبوغدانی یئسه ز ئولسافساد نابود ائده جاخدیر بو فساد دنیانی
109-ای خالق خلق وآفریننده ی دهر هم خالق کوه ودشت سن هم برّ وبحر
ئولمازمیدی خلق راحت ئولسون خالیق لازیم نه دی هرگون ایچیدیرسه ن ئونا زهر
110-رخصت وئره سن بهشته میخانه دیاخ حوریده زنخ گودینه پیمانه دیاخ
اس سین سحرین یئلی توک ئولسون افشان گون دیشله ری یایلیان سایا شانه دیاخ
111–ئولمازمیدی حوّائیله آدم قالسئن آحاد بهشت ده اصالت سالسئن
شیطانی نه ده ن بهشته قویدون بیرده تزویر ایله ییپ ئولاردان ایمان آلسئن
112-خلقت ئوزی حلّ ئولمادی بیر امّادی امّا بیریسی بهش لن دونیادی
دونیانی دیه ن یانیرجهنّم ئودونا دنیا وجهنّم وبهشت رویادی
113-دولدور می خوش گوار باش کاسه سینه قالدیر یوخاری یاخشی قولاق وئر سسینه
سویلور کی بوکاسه ی سر دارادیر بیر مرثیه قور ئوکاسه نین ناله سینه
114-فسوس ایله مه دالدا کئچن ایّامه تدبیر یئتیر بوگون ئولان انجامه
من بولدوگوم انجام ئودور می ایچه سن بیر ئود ووراسان بوروزگار خامه
115-جانانیلن ال اله چئخین سیرانه بئش گون کئچه لی عومروز ئولار افسانه
هیچ زاهدیلن ئوتورمایین زیرا کی آباد ئوره ک لریز ئولارویرانه
116-ئوز خالقیوینله دیز دیز ئول بیردانی شین خیلقت ده معمّای بقایه آنی شین
ئولمازمیدی ئولمویا فنا خیلقت ده باقی ده دورون محو فنا ده قانی شین
117-واعیظ ائلی یه ن موعظه اوهامینه باخ اللّه هیله سویلویور بشر ئولما آیاخ
من آنلی یانی خالقیوه سویله سوزون شیرینیله فرهاد یانیشدی نه سایاخ
118-بوچرخ فلک فرلاناجاخ دوئرماسی یوخ بیرباکره دیر کی هیچ زمان سولماسی یوخ
هرلحظه مین ایله باغلاییر کاوینین هیچ بیر کسینن عهد وقرار ائد مه سی یوخ
119-توولانما بو روزگار بد کرداره احرام ایله مه عجوزه ی مکّاره
بیر دارطنابه باخما بیر باش ایمه بیرده ن کئچیره ر باشین طناب داره
120-یاخلقته وائر شرکت عزازیلیلن یارخصتی وائر قالماسی آئینیلن
خلق ایله دینیز سونرادئدیز ساخلیا سیز شیطانیله انسان آراسین دینیلن
121-ئون بش یوزایل ئولدی ارتباطین کسیلیب بیر بذرکی مین بش یوز ایل ئولموش اکیلیب
یایاخشی سووارماییپ ئونی دهقانین یا ریشه سی شیطانین الینن کسیلیپ
122-بوبزم مهیّائولونور آدم ایچون می کاسه سینه می دولونور آدم ایچون
دونیا یکه لی چرخ فلک فئرلانیری هر گون تازا عالم بولونور آدم ایچون
123-چوخ ناز ایله ییر چرخ ئوره گیم قانه دونور اندیشه مین آرایه سی هریانه دونور
بیروقت ایلیشیر کول کوسا شیطانیله دیر بیرلحظه گورورسه ن صف ایمانه دونور
124-اندیشه نی آت فیکری بوراخ یوخ هدفی دولدور می سامانیه جام خزفی
مستانه دانیش عالم معناده بوگون لازیم نه دی هی لعنت ادیرسن سلفی
125-زاهید یاپیشان دینیله بیزار ئولدوم میخانه ده می ایچیپ پدیدار ئولدوم
تقلیدی بوراخ پیرو زنّار ئولما جهلی بوراخیپ من نئجه بیدارئولدوم
126-سودای می نابیله دونیا دولانیر کفر ایله مه می کاسه سی بیجا بولانیر
سئندیرما می یین حرمتین آدابیله باخ توپراق جان آ لان وقتده می ایلن سولانیر
127-توپراقی شرابیلن قاتیپ پاچئق ایله دیسگینمه گئله پالچیق اگر الده دیله
روح القدسون رمزی شراب ئولدی شراب شیل ئولسون ئوال شرابی خیلقتده سیله
128-بیرخم دوزه ریپ رنگ وجلا وئردیم ئونا سوئز له ر دانیشا اذن صلا وئردیم ئونا
هرذرّره سی گوئردوم کی شه ومیر وگدا میضراب ربابیله صفا وئدیم ئونا
129-خیلقت ده ن آرا دهریده اینسان وائریمیش پیمانه ایله شاهدو پیمان وائریمیش
جاملار دولوسو می ایچه لی مست ئولالی سئدیر ماغا ناحق سوزی عصیان وائریمیش
130-عهد ایله مه دونیائیله آدلیم آتاسان حاشا کی ئونون ساحه سینه قان قاتاسان
هیچ بیر کسیلن ئولمادی مانوس بودهر هیهات ئونون مکرینه جانین ساتاسان
131-گفتار نبی بودور کی یول چاشمیاسان اندازه وی بولمه گیله چوخ آشمیاسان
تشخیصین ئوزون بولمه لی سن دوش دره ده هموار بولوپ یولّاری آغناشمیاسان
132-زاهد دوزه ده ن یول منی اقنا ایله مه ز عارف ئوزونی مایل دونیا ایله مه ز
کیم باده ی ناب وصل ده ن مست ئولسا داروغه ی دهر ده ن ئوپروا ایله مه ز
133-گوئردوم کی نمازینده توشوپ شکّه ئوکس بیریاندا دا سس لنیر تئز ئول بانگ جرس
شکّ ایله مه بیر دی یا ایکی قئل قورتار بیرده ن گوئره رسن قول بوتاغین ئولدی هرس
134-کیم جاره چئکه خدمت ائدیر آحاده بیرذرۀره سی یئتمه ز ئوکسه فریاده
یوم گوئزله ریوی آچ الین احسانین ایله بیر دانه ی هل قدری یئتیش سین داده
135-مسجد ده ده وائر باده ایچیپ مست ئولاسان جانانیله قول بیر بیره پیوست ئولاسان
زاهید نه بولور طعم می ناب ندیر حاشا ئوتوروپ ئونونلا همدست ئولاسان
136-گئل میکدیه عالم ویرانی بوراخ بیربزم می عالم شاهانه قوراخ
جام الده دولاندیراخ می ایمانی ساقیّ ومی ومیکده ده ن ئولما ئوزاخ
137-دورت گوشه ی عالم منه بئسلیر می ناب گیئزلینده باخیر واعظیله شیخیله شاب
تزویری بوراخ دوئز یولا گئل منله قاریش عومرون قالانین چئکمه بوگیزلینده عذاب
138تفسیر ایله مه زاهد ئوجور معنانی چوخ حلقه ی داره سالما بوایمانی
هرکس ئوزی ئوز حالینه تفسیر ایله سین خالق سنه خلق ایله می ییپ دونیانی
139-آهویئریشین گوئزلری جان آلمادادی محصور ایله ییپ جانیمی قان آلمادی
گیسوی کمندین آتالی داره چئکیر آی تک یوزه باخدیم سا امان آلمادادی
140-قیوریش ساچی هورموش سه چئکیر داره منی تاپشیردی وفاسیز یئنه اغیاره منی
شورا دوزه رتیپ مجلس سامانی قورون ئول دمده سفارش ایله یین یاره منی
141-بیرباده ایچه م گر قدح میناده جاندان آتارام همّ وغمی دونیاده
عومرون نه قه ده ردیر اوزونی ناز ایلیسن تزویر وریا وزهد گئلمه زداده
142-زاهید سوزونه اینانما یوخ نار جهیم خالقدی اگر رحیم رحمان کریم
سن قئش ئودونی دگیلسه ن آلسین اوجاغا یاندیرماغ ایچون وائر آغاج ئوستونده ولیم
143-تسبیحیلن محتسب آلیر باغ ارم خروار آلیری یوخدی حسابینده گرم
دلّال بهشت ئولوپ ساتیر افراده یونگول چئکیری ترازوسین پونزا درم
ر